深水埗鑊氣小炒館 香口!海苔墨魚餅 / 脆皮豬手 / 脆皮炸大腸

發佈: 2022.03.29
文: U Magazine

text│Yeon

深水埗可謂是小炒師傅的少林寺,尤其福華街和石峽尾街一帶,臥虎藏龍,老店唔少,漁小館資歷算淺,但在競爭激烈的街區,禁堂食前晚晚滿場,證明店中小炒有斤両。老闆蔡生紅褲仔出身,多年前在大角咀開設漁小館,3 年前搬到小炒店林立的深水埗,以特色小炒小菜突圍而出。

來到這店,必吃香口煎炸嘢,當中不少是蔡生的原創小菜。芥末脆皮豬手、五味人生、海苔脆皮墨魚餅和撈喜手斯雞,都是蔡老闆原創。芥末脆皮豬手參考德國豬手做法,以傳統中式滷水醃過後,再像德國豬手般上皮再炸,做出德國鹹豬手的脆皮效果。熱賣程度緊隨其後的是海苔墨魚餅,墨魚膠自家打製,加入海苔,有少少似吃日本唐揚;而脆皮炸大腸上枱熱到辣嘴,酥脆甘香無澀味,上述的送大啤認真一流。

叫得做漁小館,海鮮當然做得不錯,歡迎客人自攜海鮮,加工費每斤 $100,如加配輔料,每款加收 $40,收費算是合理,不少釣魚友會拿來剛上水的游水魚、墨魚等來加工,當然店內也有游水海鮮賣。最難得小館免收開瓶費、切餅費和茶位費,大伙兒來吃,慳返唔少,咁情況……貼士就不妨畀得大方一點!

-----------------------------------------------

芥末脆皮豬手 $138

結合了德國鹹豬手的烹調手法,皮炸得酥化不硬,豬手皮爆晒沙,一咬發出響亮聲音,豬肉部分軟滑多汁,帶滷水鹹香和豬肉有。

深水埗鑊氣小炒館  香口!海苔墨魚餅 / 脆皮豬手 / 脆皮炸大腸

脆皮炸大腸 $188

大腸十分肥美,外層薄脆,中間軟糯煙韌,濃味酥香。配菠蘿片吃。

深水埗鑊氣小炒館  香口!海苔墨魚餅 / 脆皮豬手 / 脆皮炸大腸

五味人生$128

當中有菜脯、酸薑、涼瓜、XO 醬、銀魚仔和豬油渣,分別代表甜酸苦辣鹹。五味雲集無違和感。

海苔脆皮墨魚餅 $68

墨魚餅為自家手打,加入海苔,加添日式風味。海苔分量恰到,不影響酥化炸漿的口感。外脆內彈牙,最啱佐以冰凍啤酒。

深水埗鑊氣小炒館  香口!海苔墨魚餅 / 脆皮豬手 / 脆皮炸大腸

漁館鮑魚小炒皇 $138

平凡的小炒皇加了上 6 隻鮑魚,小炒皇材料十足,有海鮮鹹香。

深水埗鑊氣小炒館  香口!海苔墨魚餅 / 脆皮豬手 / 脆皮炸大腸

古法蝦米扣柚皮 $108

店內還有傳統手工菜。古法蝦籽柚皮以大地魚湯煨入味,軟綿甘香不苦澀。

籠仔蜑家蒸飯 $178

有蝦有蜆有龍躉魚潑,還有木耳和金菇,海產鮮味滲入飯底,每口都有鮮甜海產味道。

深水埗鑊氣小炒館  香口!海苔墨魚餅 / 脆皮豬手 / 脆皮炸大腸

大廚 雷哥

紅褲子出身,熊度開放不固執,不時同蔡生一起創作原創小炒。

深水埗鑊氣小炒館  香口!海苔墨魚餅 / 脆皮豬手 / 脆皮炸大腸

【info】

漁小館

地址:深水埗福華街 69-75 號華邦大樓地下 C、D 號舖

電話:2360 9333

營業時間:11:30am - 4:30pm、6pm - 11pm

備註:因應防疫政策,營業時間或有更改

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more