西環人龍煲仔飯店 日本火山石高溫烤製 / 完美剷出最強飯焦 

發佈: 2022.04.05
文: U Magazine

text│Sakura photo│Him

記者很愛光顧這間煲仔飯店,舖頭勁人氣,無論夏冬,一到 5:30pm,門外有不少食客在等位,餐廳憑火山石煲仔飯成名,連續 4 屆獲米芝蓮推介。成名,全因這店做做最強煲仔飯飯焦,用匙羮可輕鬆把煲底原塊飯焦鏟起,相當無敵!

嚐囍的煲仔飯每日最少賣 300 煲,天氣冷的日子加埋外賣,可以達 400-500 煲。煲仔飯周圍都有得食啦,排長龍都要吃嚐囍,只因高質煲仔飯唔易搵。店主林榮康(康哥)花了 10 多年專心研鑽煲仔飯,他拍心口保證,餐廳每煲煲仔飯都可鏟起如上圖的靚飯焦,它色澤金黃,沒有燒燶,食落脆口爽身不黐牙。

康哥入行 30 多年,曾於陸羽茶室工作。「我可以堪稱全港最熟悉煲仔飯嘅人!」他說。康哥看似好大口氣,記者走入廚房看他煮煲仔飯,又發現也他真係有料到!一講到煲仔飯,人人都追捧炭爐煮的,最初嚐囍的確採用炭火,但後來換成火山石。「我喺日本訂火山石爐取代炭爐,一來火山石不會釋放有害物質,二來容易掌握火力大小,熱力均勻先可以做出完美飯焦。」康哥說。

跟炭爐相比,使用火山石不用擔心火力太猛導致煮燶飯,加上選用塗上了耐熱瓷層的瓦煲,師傅只需定時把瓦煲左轉右轉,令熱力平均散開就可以令煲底形成一層金黃飯焦。

這裏的煲仔飯勁有誠意,不會把米飯先煮熟一半,每煲都是生米煮成熟飯。泰國香米,有柯打才把新舊米混合浸水,瀝乾水後加熱水把生米煮熟,隔去多餘水份後,再放上火山石爐加配料煲煮 20-25 分鐘,待臘味油香都滲進飯內。飯心鬆化乾爽,甘香煙韌,好鬼好食。

想完美地享用這煲仔飯,落豉油這程序還是留給久經康哥訓練的店員吧!落豉油有指定動作與分量,不像平常的沿邊落,會以順時針方向倒在飯中央,避免豉油積累在煲底,影響飯焦色澤!淋完豉油、蓋上蓋子,指定 30 秒開蓋,以免焗太久豉油水份回滲飯身,影響乾爽口感。

差點忘了說,連豉油都係好嘢!康哥將豉油用臘肉皮、八角、葱等配料炒香,再揼本加入日本宗谷元貝一起煮 2 小時而成,味道鹹中帶鮮,風味複雜又不搶走臘味香。飯味、飯質、飯焦都完美,臘味又多,80 多元一煲,抵嗌啦!

------------------------------

臘味飯 $82

選用本地臘味,臘味畀得慷慨,有齊臘腸、潤腸和臘肉,熱騰騰,飯粒充滿有油香!

西環人龍煲仔飯店  日本火山石高溫烤製 / 完美剷出最強飯焦 

飯心都做得很高水準,睇圖都覺得米粒乾爽、粒粒分明,加上臘味煮得夠時間,飯粒索滿臘味油香,如果 100 分是滿分,記者畀夠 200!

西環人龍煲仔飯店  日本火山石高溫烤製 / 完美剷出最強飯焦 

每煲都可以剷出原塊飯焦,米飯顏色金黃,又沒有燒焦,口感乾爽焦脆,絕對是煲仔飯界最強飯焦!

要煮出擁有完美飯焦的煲仔飯,魔鬼在細節,用熱力均勻的日本火山石煮煲仔飯是首要,瓦煲都非等閒,多了層耐熱的瓷塗層,令米飯不易煮燶。

西環人龍煲仔飯店  日本火山石高溫烤製 / 完美剷出最強飯焦 

白鱔飯 $90

招牌之一,選用新鮮白鱔肉,十分肥厚,魚肉爽口彈牙,淋上自家製豉汁,鹹香惹味。

西環人龍煲仔飯店  日本火山石高溫烤製 / 完美剷出最強飯焦 

選用泰國金駱駝茉莉新舊米,飯質軟糯,飯味香口。小小秘技是有柯打時,會把米浸水 8-9 分鐘,讓米粒中心受水,煮好就軟熟爽口。

【info】

嚐囍煲仔小菜

地址:西環堅尼地城北街 25 號地下

電話:2819 6190

營業時間:5am - 3:30pm、6pm - 12mn

備註:因應防疫政策,營業時間或有更改

 

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more