新蒲崗理想餅店即叫即炸爆餡冬甩 日賣過千個! 流心朱古力麻糬/肉桂蘋果/芝士炸冬甩等15款口味

新蒲崗理想餅店即叫即炸爆餡冬甩 日賣過千個! 流心朱古力麻糬/肉桂蘋果/芝士炸冬甩等15款口味

發佈: 2022.06.29
文: 黃詠恩

想食近期大熱的炸冬甩?新蒲崗「理想餅店」的爆餡炸冬甩人氣高企,$20個就食到,而且有15款口味選擇,日賣過千個!冬甩即叫即炸,再唧上忌廉餡,咬開還有流心爆漿!冬甩炸包有朱古力、肉桂蘋果、芝士、榴槤味等,還可加粒粒麻糬,另外麻糬卷蛋都是熱賣之選,甜品控別錯過啦!Click圖睇Menu+價錢:

理想餅店的冬甩以德式炸包風格製作,選用日本麵粉、法國牛油和美國雞蛋,麵糰發酵一小時後再新鮮即炸至金黃色,脹卜卜賣相吸引。炸冬甩口感實在,沒那麼吸油,不用擔心油膩感重。

黑朱古力炸冬甩流心效果澎湃,72%法國朱古力忌廉香濃細滑不甜膩,加上熱騰騰的冬甩,食落有冰火兩重的感覺!芝士炸冬甩同樣有驚喜,澳洲忌廉芝士Cream香滑不膩。

綠茶和伯爵茶炸冬甩都是人氣口味,前者選用台灣抹茶,茶香回甘味較重,後者用上英國Twinings伯爵茶,茶味清香。

推介肉桂蘋果炸冬甩,可食到粒粒爽口蘋果,酸酸甜甜,加上外脆內軟的冬甩,口感豐富。

阿華田脆脆和奶醬炸冬甩均是新口味,濃厚爆漿超邪惡!

招牌吉士炸冬甩大大個,內有香滑吉士,蛋奶香味好突出。

理想餅店的自家製卷蛋($50起)性價比高,值得一試!必食朱古力花生麻糬生乳卷蛋($66),蛋糕濕潤軟綿,花生鮮忌廉還加了粒粒花生,香氣四溢。鐵觀音黑糖麻糬鮮忌廉卷蛋($88)茶味濃郁,加上煙韌軟糯的黑糖麻糬,食落有珍珠奶茶的風味。

伯爵茶鮮忌廉卷蛋($60)混合了茶葉碎,茶香清幽。雪凍食忌廉口感似雪糕,解凍後還有爆餡流心!

理想餅店 Lily's Bakery

地址:新蒲崗康強街32-34號康強洋樓A座地下7號舖
營業時間:9am - 8pm(逢星期三休息)
電話:2772 1328

睇埋千層蜂蜜蛋糕開箱:

↓「App限時搶」請您食歐遊必購手信!↓

↓入App換領!↓


↓「App限時搶」大派現金券/禮品↓

↓記得逢星期三3PM入App搶!↓

more