尖沙咀山林道有間亮眼的全藍色餐廳，原來是新開張的西餐廳「Monmono」。英倫風餐廳打造成寶石藍色調的歐陸小鎮，還有復古轎車、電話亭等佈置，好像置身於神秘魔法世界。餐酒館主打日法Fusion菜式，賣相精緻，一於約閨蜜一齊打卡影相啦！
Monmono餐廳不論裝潢擺設、餐桌座椅還是餐具都用上深藍色調，寧謐藍的Monotone打造出獨特神秘的復古風氛圍。
牆上掛滿壁畫，好比一間藍色主題藝術館，每個角落都是打卡位。餐廳更設有VIP貴賓房，適合一大班朋友或家庭聚會。
餐廳提供日法Fusion菜，融合日本菜和法國菜元素，Set Lunch最平$148起，包一款主菜、風乾白毛豬火腿沙律或餐湯配蒜蓉吐司、咖啡或茶。
單點主菜推介自家製意大利紫菜寬麵 ‧ 蟹肉 ‧ 海膽味噌湯醬（$238）、火灸藍蝦冷素麵 ‧ 龍蝦蕃茄清湯（$238）、阿根廷安格斯肉眼扒 ‧ 洋蔥沙律 ‧ 酸汁（$348）等。
炒活藍青口‧辣肉腸‧蕃茄忌廉汁‧蒜蓉吐司（$128），選用來自澳洲的新鮮活藍青口，配上蒜片、西班牙辣肉腸、冬菇、自家製半乾車厘茄，香口又惹味。蒜蓉包的抹醬混合生熟蒜和香草，蘸點藍青口的湯汁一起吃也很不錯。
自家製蕃茄意大利麵‧馬尼拉活蜆‧柚子泡沫（$188），用上自家製手工意粉，完全使用蕃茄配料代替水製作麵團，再配上鮮味馬尼拉活蜆和清新柚子泡沫。
法式香煎春雞 (半隻)‧黑松露薯蓉泡沫‧黑橄欖‧水瓜柳白酒汁（$228），用上美國白春雞，底層放有口感軟綿輕盈的黑松露薯蓉泡沫、微酸水瓜柳白酒醬汁，為菜式增添層次感。
前菜和小食同樣有多款選擇，如香脆炸紫菜日本雞腿肉 ‧ 粟米天婦羅 ‧ 芝麻醬（$88）、炸魷魚 ‧ 番茄汁及檸檬沙律醬（$78）、炒活藍青口 ‧ 辣肉腸 ‧ 蕃茄忌廉汁．蒜蓉吐司（$128）、慢煮雞胸沙律‧牛油果‧柑橘芝麻汁（$138）等。
甜品擺盤像藝術品般夢幻唯美，推介水晶花園 ‧ 椰子脆脆及菠蘿泡沫（$168）、霧氣迷濛 ‧ 藍莓慕斯蛋糕（$88）、陰雨連連 ‧ 芝麻慕斯蛋糕（$88）、牛角包窩夫（$98）、馬卡龍雪糕（$68），外形相當IG-able。
水晶花園（$168）外殼用上珊瑚糖製成，並加上藍色閃粉煮至170度高溫後，人手泵到圓形空心球。敲碎後便能品嚐到食用花菠蘿泡泡、椰子脆脆、椰子雪葩(coconut sorbet)和用上了馬達加斯加雲呢拿籽浸泡的菠蘿果肉。
口感酥脆的牛角包窩夫（$98）有3款口味選擇，包括焦糖香蕉、花生醬及煉乳、 鹹蛋味。花生醬及煉乳口味靈感源自於港式格仔餅和奶醬多，配搭邪惡又吸引！
霧氣迷濛-藍莓慕斯蛋糕（$88）以可愛雲朵造型，切開會有一層層不同餡料：檸檬芝士蛋糕、藍莓芝士蛋糕、藍莓啫喱和海綿蛋糕。另外飲品方面必試蝶豆花桃子特調（$58）、星空Cocktail（$108），攪勻變成夢幻星空紫，好吸引～
餐廳亦有提供場地作專業攝影服務，詳情可向店舖查詢。
Click圖睇Menu：
Monmono
地址：尖沙咀山林道4號恆貿商業中心地下2-3號舖
營業時間：12pm - 10pm
預約電話：9248 4154
*餐廳不設指定座位預訂
部分圖片來源：IG@joman316、dinglalalalala、@monmono.hk、Monmono官網
