掃街必食!旺角即叫即製泰式煎餅店 爆餡香蕉煎餅/榴槤煎餅/麻辣雞絲煎餅

掃街必食!旺角即叫即製泰式煎餅店 爆餡香蕉煎餅/榴槤煎餅/麻辣雞絲煎餅

發佈: 2022.06.29
文: 黃詠恩

來到旺角掃街,一於試小食店「Foodie 泰式煎餅」,食份充滿泰國夜市風味的香蕉煎餅啦!小店主打即叫即製泰式煎餅、泰奶,假期日賣300份!推介香蕉煎餅、榴槤煎餅、麻辣雞絲煎餅、芋泥流沙奶黃煎餅等,足料爆餡~Click圖睇Menu:

原味泰式香蕉煎餅($32)每份都用上原條新鮮香蕉,即製夠晒熱辣辣,煎餅外層金黃脆口,淋滿煉奶和榛子醬,啖啖香蕉蓉,蕉味濃郁。

甜食控可試試Nutella榛子醬香蕉煎餅($37),塗上厚厚一層榛子醬,跟香蕉完美配搭,超邪惡!至於馬來西亞100% D24榴槤煎餅($60)好足料,加入約120g榴槤蓉,無添加糖,可食到真材實料的甘香榴槤味,入口軟綿。

鹹食口味推介麻辣雞絲煎餅($40),選用泰國無激素雞肉,醃得香辣惹味,加上秘製麻辣醬,辣勁十足。

新推出的秘製安格斯牛肉煎餅($62)同樣有驚喜,用上美國安格斯牛,牛肉份量十足,加上紫洋蔥、蔥花、秘製醬汁、沙律醬,更添香口。

芋泥流沙奶黃煎餅($42)是大熱口味,切開有流心爆餡,香滑芋泥跟鹹甜奶黃好夾,怕膩的話建議跟朋友開心Share~另有粒粒小丸子紅豆煎餅($37),煙韌軟糯的小丸子加上綿密紅豆蓉,充滿日式風味。

飲品方面必試泰式奶茶($28),特別用上泰茶製成的冰粒,即使冰粒溶化茶味依然香濃,不會變淡。榴槤控別錯過馬來西亞100% D24榴槤沙冰($70),落足料以榴槤蓉打成,面層再加上一大勺榴槤蓉,超香濃,甜度適中。

Foodie 泰式煎餅

地址:旺角廣華街1號潮流地域地下G23號舖
營業時間:星期一 3pm - 11:30pm|星期二至日 1pm- 11:30pm
電話:3565 1748

↓「App限時搶」大派現金券/禮品↓

↓記得逢星期三3PM入App搶!↓


【為食UU熊GO!】激賞Häagen-Dazs單球雪糕券

↓入App玩遊戲贏雪糕券兼日日賺U Fun↓

more