text│Kathryn
近年韓國人將荒廢的澡堂改建成 cafe，當中最著名的是漢南洞的 On ne sait jamais。而這 cafe 的店主就把這形式的澡堂 cafe 帶來香港。
餐廳最吸晴就是粉藍色的浴池，牆上鋪了浴室常用的白瓷磚，最搞鬼還裝了花灑水龍頭，單係藍色浴池已叫人不停打卡，但提提大家這區只供拍照，不可飲食。另一邊是全黑的用餐區，牆上掛了韓劇劇照及韓國明星的 poster，仲有燒酒 feature wall，一睇就知這店吃韓食啦！
食物以韓式輕食為主，賣相都幾打卡，影相度最高是 8 款自家製招牌鹹甜點拼盤，6 款甜食包括焦糖朱古力香蕉撻、芒果奶凍及士多啤梨忌廉吉士撻等，鹹點有煙三文魚迷你吐司及煙肉薯仔脆脆筒，全部自家製。另外，Tiramisu croffle（牛角包窩夫）亦是店中大熱，croffle 有鹹味選擇，如韓國醬牛肉、甜辣豬肉及煙三文魚等。
也有韓式正餐如不同口味的拌飯，例如牛肉、炸雞及豬肉等，拌上自家調製的辣醬，鹹香惹味，讓大家忘了疫情，暫時「飛」去首爾。
蒜香醬油炸雞 $58 四件、$88 六件、麻辣勁爆芫茜炸雞 $58 四件、$88 六件（後）
炸雞入口香脆濃味，蒜香味炸雞蒜味極重、蒜香十足，麻辣味亦帶麻香。
韓式牛肉拌飯 $88
肥牛加上菠菜、芽菜、泡菜及紫菜菜絲等配料，撈埋自家調製的辣醬更惹味。
韓式醬牛肉 Croffle $68、玫瑰梳打特飲 $48（後）
Croffle 配上韓式調味的牛肉，上面加了沙律醬及芝士醬，夾調好吃。
Tiramisu Croffle $68、藍柑橘白桃梳打特飲 $48（後）
大熱甜品牛角包窩夫加上手指餅、Mascarphone cheese 及法國忌廉，最後撒上朱古力粉，變成 tiramisu 口味，忌廉入口幼滑。
8 款自家製招牌鹹甜點 $138
6 款甜食包括焦糖朱古力香蕉撻、芒果奶凍及士多啤梨忌廉吉士撻等，鹹點就有煙三文魚迷你吐司及煙肉薯仔脆脆筒，每款細細件適合做下午茶。
【cap】
新沙洞澡堂
地址：長沙灣福榮街 506-510 號榮發閣地下 A1 號舖
電話：2666 6881
營業時間：9am - 6pm
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
