港式街頭場景火鍋店 幼稚園 地盤通道打邊爐 / 日本丹波味噌湯底 + 刁鑽牛肉

港式街頭場景火鍋店 幼稚園 地盤通道打邊爐 / 日本丹波味噌湯底 + 刁鑽牛肉

發佈: 2022.05.20
文: U Magazine

text│Sakura

這間主打港式街頭文化火鍋店,裝修好特別,分 2 大區域:一邊似屋邨幼稚園;另一邊設計成街邊地盤鐵皮通道,天花板亦掛滿吊燈,每處都好有香港 feel,打邊爐之餘仲可打卡!

火鍋湯底貫徹港式主題,有傳統港式沙嗲鍋、胡椒豬肚鍋,亦有獨家湯底──丹波赤麵豉湯底,它是日本野豬料理常見的湯底,用來配豚肉就最正,為了這湯底,店家專程把日本丹波赤麵豉直送到港來煮湯頭,這味噌不死鹹、帶甘甜味,與蝴蝶腩是天作之合!

餐廳肉類全由牛皇莫供貨,有不少刁鑽部位,採訪當天就有本地手切牛腩包和牛爪邊。豬肉則推介一頭豬只得 2 條腳筋及靚到有雪花的「第一刀」!這些刁鑽肉類都是每日限量供應的。

店內還供應街頭小食,仲有 14 款咁多!招牌懷舊魚肉燒賣自家製;而咖喱魚蛋則是九記出品,咖喱汁更自家調製,算幾有誠意。另外老闆特別推介台式臭豆腐,配上本地甜醬和台灣辣醬,湯底未滾,可以食住小食先!

丹波赤麵豉湯底 $188
湯底用的丹波味噌由日本直送,鹹香帶甘甜味,特別適合配豬肉。餐廳肉類跟牛皇莫取貨,刁鑽部位當日就有牛腩包和牛爪邊,前者甘香嫩滑,後者是嗜牛人士眼中的佳品。連豬肉都刁鑽,如供應蝴蝶腩、第一刀和豬腳筋。

台式麻辣鍋 $168、新鮮雞紅 單點 $68
新鮮雞紅很少吃到,透過莫生取來,麻辣鍋配料已有雞紅,它質地滑溜,無腥味,索盡麻辣味最正。

本地手切牛腩包 $398 大、$338 細
牛腩包是牛腩芯位,肉質比一般牛腩嫩滑,脂肪少,味道帶甜。

刁鑽豬腳筋 $138、極品第一刀 $128
豬腳筋每隻豬得 2 條,口感極為爽脆;而第一刀又名「脢頭咀」,每頭豬只有一件,有時靚到有雪花,特別甘香。

咖喱魚蛋、懷舊魚肉燒賣 $58 份
魚蛋選用九記,咖喱是自家調製,辣辣哋,咖喱辛味突出;燒賣自家製,口感彈牙,魚肉味濃。


街頭火鍋

地址: 銅鑼灣謝斐道 496 號金利文廣場 2 樓全層

電話:2616 9918

營業時間:5pm - 2am

↓有新嘢玩!《社群》專區登錄App↓

↓必睇人氣美食主題深度關注組↓


【為食UU熊GO!】激賞Häagen-Dazs單球雪糕券

↓入App玩遊戲贏雪糕券兼日日賺U Fun↓

more