人龍拉麵店 x 土炮甜品店 期間限定 港版雪糕拉麵

發佈: 2022.05.26
文: U Magazine

text│Kathryn

喺網絡上看過日本推出的雪糕拉麵圖片,令人十分好奇食落味道係點?而家要飛日本不易,不如吃吃這間拉麵店與本地甜品店合作推出的港版雪糕拉麵。這次聯乘其實是用拉麵店招牌的辛辣豚骨湯底拉麵,加上甜品店想甜嚐甜出的花生醬雪糕合成,拉麵店負責人 Joe 表示他有參考日本出過的口味來設計。

人龍拉麵店 x 土炮甜品店 期間限定 港版雪糕拉麵

究竟雪糕拉麵食法係點?Joe 表示是先飲湯,再食雪糕,嘗嘗兩者的獨立味道,然後將雪糕拌到熱湯中。記者以身試味,食落味道毫無違和感,拌勻後湯底有香濃花生味,亦減低了辣度,口感更滑更 creamy,還吃到粒粒花生碎,食感有點似擔擔麵,一凍一熱溝埋又幾過癮!雪糕拉麵期間限定至 6 月底,可於一生一生懸麵 3 間分店食到,每日限量供應,這店 keep 住有人龍,不想錯過就要早點去排隊!

人龍拉麵店 x 土炮甜品店 期間限定 港版雪糕拉麵

一生懸麵 x 想甜嚐甜雪糕拉麵 $98
花生醬雪糕融化後,令辛辣豚骨湯底更滑更 creamy 且帶花生香,麵條亦掛汁彈牙,食感有點似擔擔麵,食味毫無違和感,值得一試。

海老拉麵 $85
拉麵店另一招牌,湯底用豚骨、雞肉及蔬菜每日新鮮熬製 9 小時,加上赤蝦乾添濃郁蝦味。

人龍拉麵店 x 土炮甜品店 期間限定 港版雪糕拉麵

特濃豚骨沾麵 $79
不吃雪糕拉麵,也可試試沾麵,浸上特濃豚骨湯底,香濃掛汁,食完麵可請店員加魚介清湯
歎埋湯底。

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more