人龍拉麵店 x 土炮甜品店 期間限定 港版雪糕拉麵

text│Kathryn

喺網絡上看過日本推出的雪糕拉麵圖片，令人十分好奇食落味道係點？而家要飛日本不易，不如吃吃這間拉麵店與本地甜品店合作推出的港版雪糕拉麵。這次聯乘其實是用拉麵店招牌的辛辣豚骨湯底拉麵，加上甜品店想甜嚐甜出的花生醬雪糕合成，拉麵店負責人 Joe 表示他有參考日本出過的口味來設計。

究竟雪糕拉麵食法係點？Joe 表示是先飲湯，再食雪糕，嘗嘗兩者的獨立味道，然後將雪糕拌到熱湯中。記者以身試味，食落味道毫無違和感，拌勻後湯底有香濃花生味，亦減低了辣度，口感更滑更 creamy，還吃到粒粒花生碎，食感有點似擔擔麵，一凍一熱溝埋又幾過癮！雪糕拉麵期間限定至 6 月底，可於一生一生懸麵 3 間分店食到，每日限量供應，這店 keep 住有人龍，不想錯過就要早點去排隊！

一生懸麵 x 想甜嚐甜雪糕拉麵 $98
花生醬雪糕融化後，令辛辣豚骨湯底更滑更 creamy 且帶花生香，麵條亦掛汁彈牙，食感有點似擔擔麵，食味毫無違和感，值得一試。

海老拉麵 $85
拉麵店另一招牌，湯底用豚骨、雞肉及蔬菜每日新鮮熬製 9 小時，加上赤蝦乾添濃郁蝦味。

特濃豚骨沾麵 $79
不吃雪糕拉麵，也可試試沾麵，浸上特濃豚骨湯底，香濃掛汁，食完麵可請店員加魚介清湯
歎埋湯底。