text│Vera
這間藏於女人街的甜品小店,連容祖兒都來幫襯,更罕有在 facebook tag 埋店名。原來甜品店係 Joey 御用化妝師 Hubei 與糕餅主廚男友 Perry 的結晶品。Perry 曾在朗廷酒店、米芝蓮餐廳 L'altro 跟隨法籍名廚 Philippe Leveille 學藝,幾年前曾經營I Love You Dessert Bar,憑招牌梳乎厘班戟獲得米芝蓮推介,現在轉攻精緻西日式甜品。
每款甜品均手工製作,好似 Joey 心水的芒果拿坡崙,由搓製酥皮、摺疊成 786 層再分 3 段火力焗到定型,前後花上 3 小時,也自製坊間少見的朱古力酥皮拿坡崙及粟米味拿坡崙,夾心的吉士及焦糖燉蛋都用新鮮日本蛋、法國淡忌廉、原條馬達加斯加呍呢嗱枝刮籽製成、蘋果批則用上日本青森蘋果做餡、日本柚子吉士卷都是小店手製,在女人街食到手工複雜、高水準的 fine dining 級甜品,很有驚喜!
芒果拿破崙配呍呢嗱雪糕 $49
786層酥皮富空氣感,薄脆酥化,沒牛油的厚膩感;吉士蛋味和呍呢嗱味新鮮突出,細滑輕盈;呂宋芒非常鮮甜。
焦糖燉蛋配紅豆雪糕夾餅 $49
燉蛋的脆糖夠薄夠脆,雞蛋部分入口即融,以重蛋香日本蛋製,呍呢嗱籽味道也天然,最中餅用日本貨,如威化餅般鬆化。
青蘋果批配雪糕及日式柚子吉士卷 $54
蘋果批即叫即焗,蘋果味新鮮。後方的吉士卷以日本柚子汁代替忌廉,果香清新,配粒粒朱古力蛋糕。
栗子法式吐司配雪糕 $59
2.5 吋厚麵包用日本麵粉特製,特別鬆軟,再花 24 小時浸牛奶、肉桂、糖,索盡牛奶甜香。吐司上的紗織狀法國栗子蓉栗味濃郁。
蘋果批即叫即焗,酥皮又鬆又脆。
【info】
My Wish Dessert Shop
地址:旺角通菜街34號地下
電話:9255 4287
營業時間:2pm - 11pm