越臭越正?全港首間螺螄粉專門店插旗旺角!招牌柳州螺螄粉/重口味爆炒螺螄粉/椒麻小酥肉

發佈: 2022.06.22
文: 莫甄兒

【螺螄粉關注組】講到螺螄粉,大多數都是兩極反應,一半人覺得超臭,一半人覺得越臭越正。最近旺角就迎來全港首間柳州螺螄粉專門店「螺螄町」!可以一次過試勻螺螄湯粉、爆炒螺螄粉、乾撈螺螄粉及多款廣西特色小食,重口味人士就不要錯過啦!

「螺螄町」是全港第一間螺螄粉專門店,開店短短時間已經人氣爆燈,不少朋友前去朝聖。餐廳主打八款螺螄粉,大家可以另加酸筍或豬軟骨等配料配菜,另外也有小酥肉、鴛鴦糍粑和紅糖冰粉等特色小食。

招牌柳州螺螄粉($48/份),有齊酸筍、木耳、酸豆角等配料,辣度固定,而且網友們表示湯底較淡,而且不算太臭。

大家也可以另加招牌炸蛋($8/加配價),炸到大大塊,而且會吸滿湯汁精華,好惹味!

重口味人士必試爆炒螺螄粉($58/份),同樣有酸筍、木耳等配料,也加入了蛋絲爆炒,鑊氣十足。螺螄粉未算太乾身,口感接近濕炒,而且口味鹹香濃重。

小食方面大家可以試試臭豆腐($28/份)、紅糖冰粉($28/份)以及人氣十足的椒麻小酥肉($38/份)。

螺螄町

地址:旺角通菜街1M-1T號華發大廈地下F號舖

圖片來源:IG@baby2eat,buddy2foodie,hkfunfoodrecord

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more