大南街文青格局車仔麵 必吃藥膳湯麵 + 車仔撈 + 日系炸物

發佈: 2022.07.07
文: U Magazine

text︱Katty   photo︱Kuen

太子是小食店的激戰區,要突圍而出,談何容易。何車的本店於 2 年前在界限街開業,只得 6、7 個座位,經常出現長長人龍,去年底於大南街開了分店,雖然座位多了幾倍,但周末仍然要等位。

大南街文青格局車仔麵 必吃藥膳湯麵 + 車仔撈 + 日系炸物

何車的車仔麵有少少另類,麵底香港得來又有點新元素,好像車仔撈麵加了蒜油、咖喱等,變出蒜油蝦子撈麵、蒜油咖喱撈麵及日式涼拌烏冬等選擇。

大南街文青格局車仔麵 必吃藥膳湯麵 + 車仔撈 + 日系炸物


車仔餸以燒牛舌芯、燒豬頸肉及燒腩肉較有特色,都是即叫即燒,惹味香口啱晒後生仔。車仔湯麵也特別,這邊女性顧客較多,藥膳湯底便以川芎、果皮、菜乾等配料每日新鮮煲,吃車仔麵同時可以養生!

小食選擇也特別多,如黑松露薯條、吉列炸蝦、吉列炸蠔、大阪燒餃子雞翼、唐揚炸雞、醉炸雞翼、關東煮等,分量小小,多點幾款也吃得落。

何車車仔麵(大南街)

地址:太子大南街 28 號地舖

電話:9138 6721

營業時間:12nn-10pm

老何麵十餸 $58
十餸麵一次過試勻人氣車仔餸,包括燒腩肉、魚片頭、豬皮、豬腸、豬紅、蘿蔔、雞翼尖、雞翼、魚蛋、肥牛,配上藥膳湯底,吃完感覺溫潤!

大南街文青格局車仔麵 必吃藥膳湯麵 + 車仔撈 + 日系炸物

蒜油蝦子撈麵 $15、牛舌芯 $15、燒豬頸肉 $15、燒腩肉 $15
撈麵加了大量蝦子及蒜油,鹹鮮的蝦子跟蒜油的香味非常搭配,再配上即燒的燒牛舌芯、燒豬頸肉、燒腩肉,燒肉的肉汁及油份都滲到麵中,拌起來更香。

大南街文青格局車仔麵 必吃藥膳湯麵 + 車仔撈 + 日系炸物

大阪燒吉列豬扒 $30
吉列豬扒配大阪燒的配料,如蛋黃醬、紫菜及木魚絲,再伴上黑松露醬,別有一番風味。

吉列乾脆,豬扒啖啖肉。

大南街文青格局車仔麵 必吃藥膳湯麵 + 車仔撈 + 日系炸物

關東煮 $18
除了麵底及菜底,這裏亦可以選擇「關東煮底」,配料包括冬菇、蘿蔔、魚腐、腐皮角、竹輪及芋絲,很多女生都愛點這款。

大南街文青格局車仔麵 必吃藥膳湯麵 + 車仔撈 + 日系炸物

叫雞群組 $60
包括 6 件唐揚炸雞、4 隻醉炸雞翼及薯條共 3 款小食。醉炸雞翼有驚喜,以花雕酒、薑、紅棗醃完再炸,香口又帶陣陣酒香;薯條配以黑松露醬及蜜糖芥末醬。

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more