牛扒店疫下賣糖水 石磨意大利開心果糊 / 雪凍食似開心果雪糕

發佈: 2022.07.07
文: U Magazine

text│Sakura   photo│Kei 

疫情令餐飲業生意大受影響,早前牛扒店 Top Blade Steak Lab 就諗到計仔自救,開設糖水網店「研香」,反應超級熱烈。無他,好似餐廳咁出動可可豆專用的石磨機,加上 100% 果仁研磨糖水、製作出稠厚滑溜、全天然果仁味的手工糖水,喺香港真係第一次見,最旺場時每星期賣出超過 400 碗,好誇張!

牛扒店疫下賣糖水 石磨意大利開心果糊 / 雪凍食似開心果雪糕

或許你會懷疑,牛扒店轉賣糖水掂唔掂㗎?看那濃稠綿滑的開心果露,已知並非一般貨色。他們專攻「糊」類糖水,店主 Edgar 堅持不用粉漿開,5 款包括開心果糊、芝麻糊、絲襪杏仁茶、好男人腰果露和聰明仔合桃露,均以 100% 新鮮果仁製作。

牛扒店疫下賣糖水 石磨意大利開心果糊 / 雪凍食似開心果雪糕

使用外國訂購的可可豆專用石磨機,可以全程保持低溫慢磨,完整保留果仁的香味,加上可循環打磨,不用反覆攪拌就可以將果仁打至滑溜、無顆粒感,果仁原漿直出、毋需過濾就可拿來煮糖水,果仁味點可能唔出色?為了突出果仁味,研磨前更會將之先焗 15 分鐘,不會油炸,無咗油味,果仁味更醇也更健康。

開心果露真心推介。選用質素最頂尖的意大利西西里開心果製作,成本比普通開心果貴一倍,1kg 只能做 8- 10 碗,慢磨 30 分鐘,以 1:1 的水煮成,開心果天然甜味可謂超班,又有極高綿滑度,冷藏吃更有如開心果雪糕。一分錢一分貨,即使一碗要 $48 也值得

牛扒店疫下賣糖水 石磨意大利開心果糊 / 雪凍食似開心果雪糕

芝麻糊也誇張,需慢磨 8 小時而成,用的是日本直火烘焙芝麻,芝麻糊無顆粒感,鍾意食「糊」的要必試!

牛扒店疫下賣糖水 石磨意大利開心果糊 / 雪凍食似開心果雪糕

研香開心果露 $48
只以意大利西西里開心果仁和 1:1 水製成。開心果慢磨 30 分鐘後就是這粉綠的色澤。

開心果靈質地稠濃但不失流質感覺,開心果香味很濃,更有點像奶昔、雪糕的質地。

牛扒店疫下賣糖水 石磨意大利開心果糊 / 雪凍食似開心果雪糕

8 小時慢磨芝麻糊 $30
選用日本直火烘焙芝麻,洗淨混合的黑、白芝麻,再慢磨 8 小時而成,連芝麻外殼也磨得幼滑,又保留到營養成分。

牛扒店疫下賣糖水 石磨意大利開心果糊 / 雪凍食似開心果雪糕

絲襪杏仁茶 $33
唯一需要使用過濾網的就是這杏仁茶,而且要再經兩次人手過濾,才做出如絲幼滑的口感。選用龍皇杏和南北杏製作,散發天然杏仁香氣。

好男人腰果露 $36
選用原粒大腰果,有一朕天然的腰果奶香,清甜美味。


研香 Grindie

網址:https://grindie.hk/

備註:網上預訂,每日 3pm 截單,當日 6pm-7pm 或 7pm - 8pm 後可親臨中環 Top Blade 或屯門 CHI Tachinomi 自取

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more