零負評豚之專門店 巨型葱油豬扒 / 厚餐肉大碗飯

發佈: 2022.07.18
文: U Magazine

text│Yeon photo│Jay

炊豕店開業多年,以豬扒、厚餐肉、豬軟骨、豬手和叉燒等不同豬部位做出多款大碗飯,50、60 元有交易,性價比高企。

必叫葱油豬扒飯,有骨巴西豬扒咬落啖啖肉又夠肉香,用 7.5 吋大碗奉上,豬扒竟可覆蓋至碗邊,夠晒睇頭。表面鋪滿新鮮又巨量的葱油,香氣撲鼻。厚餐肉煎蛋飯也人氣,只挑不腍身、不鬆散的午餐肉,件件切到 1 吋厚,上雞蛋、生粉和調味做出的薄脆漿新鮮即炸,是鎮店大碗飯之一。

其他豬部位的選擇有微酸開胃的話梅花雕豬手飯、腍滑入味的沖繩豬軟骨飯、惹味大阪燒豬扒飯、濃香肉燥滷蛋飯等,各有捧場客。還可額外加餸如滷水雞蛋、炒滑蛋、煎蛋或厚餐肉,如何配搭、想有幾豐盛自己話事!

=========================================
葱油豬扒飯 $64
豬扒把 7.5 吋大碗的碗邊都遮蓋了,好有睇頭。有骨巴西豬扒夠厚肉又夠甜,最欣賞每日新鮮做的葱油,跟炸乾葱粒和芝麻混合,香氣撲鼻。

【銅鑼灣放飯】零負評豚之專門店 巨型葱油豬扒 / 厚餐肉大碗飯

厚餐肉煎蛋飯 $58
餐肉成吋厚,新鮮即炸、件件做到脆邊,配香煎雞蛋,夠晒邪惡!

【銅鑼灣放飯】零負評豚之專門店 巨型葱油豬扒 / 厚餐肉大碗飯

話梅花雕豬手飯 $58
南乳豬手很入味,豬手有咬口,話梅味道甜中帶酸,清酸開胃。

沖繩豬軟骨飯 $64
特別挑選連着少許肉的豬軟骨,以味醂、醬油燜入味,夠味也夠腍滑,伴上燜蘿蔔和燜蓮藕。

【銅鑼灣放飯】零負評豚之專門店 巨型葱油豬扒 / 厚餐肉大碗飯

叉粒豆角葱花滑蛋飯 $58
滑蛋配甜香的叉燒粒、爽脆豆角和葱花均勻煎香,叉燒水準不錯。

【銅鑼灣放飯】零負評豚之專門店 巨型葱油豬扒 / 厚餐肉大碗飯

【info】
炊豕店
地址:銅鑼灣加路連山道 11 號地下
電話:2805 6665
營業時間:星期一至六 12nn - 9pm,星期日休息

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more