觀塘餐廳|觀塘人氣台式餐廳「壹.01」 招牌創意芒果滷肉飯/豆腐風琴牛肉飯/芋泥肉鬆蛋餅

發佈: 2022.07.18
文: 莫甄兒

【觀塘餐廳】位於觀塘駿業街的「壹.01」是一間人氣台式餐廳,主打多款便當、滷肉飯以及地道小食等,例如芋泥肉鬆蛋餅、夜市小食拼盤等,帶大家重溫台灣風味!另外還有創意滿滿的芒果滷肉飯,以香甜芒果搭配油香滷肉,你又想不想試試呢?

餐廳主打多款台式飯類和便當,足足有二十多款,選擇眾多。另外也有花枝丸、台灣腸等小食,最適合同同事開心share~即睇Menu:

必試創意滿滿的芒果滷肉飯($58/碗),選用了最當造的芒果,粒粒香甜芒果中和了滷肉的油膩,網友們都認為味道比想象中和諧,有種天然的甜味。另外也有椰菜、酸菜和青葱作配料。

蜜汁紫菜排骨飯($60/碗),排骨大大舊又夠厚肉,炸得外皮酥脆,加上蜜汁和紫菜好開味。豆腐風琴牛肉飯($55/碗)都好惹味,風琴豆腐吸收了牛肉和醬汁的精華,而且大大碗好飽肚。

小食推薦芋泥肉鬆蛋餅($35/份),蛋餅皮是酥脆類型,夾著滿滿芋泥、肉鬆和芝士,味道鹹鹹甜甜,好有台灣風味~還有蜜汁台灣腸($15/份)、鹽酥雞球($16/份)和蘇子青瓜手撕雞($25/份)等小食。 

天氣熱辣辣,不妨叫返杯手搖解渴啦!推薦手作芋頭鮮奶雙檸冬瓜茶($17/杯),足料透心涼~

壹.01

地址:觀塘駿業街56號2樓D號鋪中海日升中心

營業時間:星期一至六11:30-21:30;星期日休息

電話:5369 7868

圖片來源:IG@foodiechans,hkfattyexplorer FB@壹.01

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more