【長沙灣美食】坐落於長沙灣的「大丈夫食堂」開業數年，以價錢親民的日式定食和丼飯吸引了不少街坊和打工仔支持。餐廳招牌吉列豬扒大大塊，口感酥脆，而且一百出頭就有交易，好抵食！有興趣的朋友記得bookmark地址啦~
同場加映：30分鐘快手完成！KitKat士多啤梨木糠布甸蛋糕食譜
餐廳主打日式定食和丼飯，定食包括了主食、飯、沙律、茶碗蒸、漬物前菜和味噌湯，分量豐富，性價比高。即睇Menu：
招牌吉列豬扒定食（$118/套餐）
餐廳的炸豬扒是招牌菜式，分量有六大塊，炸得外皮酥脆而粉漿又不會過厚，豬扒厚薄適中肥瘦均勻，不過有網友表示口感偏乾。伴碟有大量椰菜絲，可以中和炸物的油膩感。茶碗蒸入口嫩滑，材料有冬菇和蟹柳。
鰻魚定食（$105/套餐）
鰻魚大大條，肥美厚身；燒至微微焦脆，更加香口。魚肉質地軟嫩已經富油香味，搭配鰻魚汁非常開胃，送飯一流！
↓點擊圖片放大↓
鹽燒牛舌定食（$98/套餐）
定食包括了十數塊薄切牛舌，生熟可以自己控制，口感偏爽彈，大家可以點上燒肉汁或檸檬汁。而且一百蚊有找就可以享受一人燒肉，好抵食~
喜歡食魚生朋友也可以選擇角切魚生丼（$108/份），包括了大隻虎蝦、帶子同厚切三文魚、油金魚、牛油果等等。另外也有壽司烏冬定食（$63/份），五件壽司配上油揚烏冬。
想外賣回家慢慢食，都有多款定食便當等住大家，例如吉列海鮮定食；天婦羅丼；豚肉生薑燒定食；南蠻炸雞定食以及鯖魚定食等，選擇不少。
大丈夫食堂
地址：長沙灣元州街350號家壹1樓11號舖
營業時間：星期一至日11:30-14:30；18:00-21:30
電話：2338 0780
圖片來源：IG@littledragongon,wheel.ya,ffoodlibraryy,corgiwithfood FB@大丈夫食堂
