銅鑼灣甜姨姨甜品店主打日本直送純冰製的巨型刨冰，在鑽石山亦有分店，甜姨姨最近新推出芒果雪條 x 楊枝甘露刨冰，打卡好吸引！甜姨姨刨冰還有奶醬多、榴槤、髒髒朱古力、甄沾記焦糖椰子冰等口味，啱晒甜品控～
同場加映：U Food【識食攻略】最新影片！
甜姨姨新品：楊枝甘露刨冰（$158）
巨型刨冰加上100% 鮮芒果雪條，刨冰加入特濃楊枝甘露汁、芒果肉、芒果脆脆，配楊枝甘露小杯，甜酸富芒果香。
醬爆奶醬脆多刨冰（$98）
用上海邊走走花生醬蛋卷，香脆濃厚，配煉奶脆多士。刨冰內有花生芝麻粉、合桃酥碎，富花生香，多重層次。
草莓乳酪刨冰（$98）
內有士多啤梨果乾、椰果、抹茶啫喱，加上士多啤梨醬，酸酸甜甜。
榴槤豆腐刨冰（$118）
放滿足料甘甜榴槤蓉，配清香綿滑的豆腐奶蓋，兩者完美配搭~
400次髒髒刨冰（$138）
淋滿朱古力醬，加上KitKat朱古力條、咖啡泡沫、朱古力脆脆、85%黑朱古力粉，賣相超邪惡！
黃到金．芒果刨冰（$108）
加了香甜芒果粒、甜酸果乾，食到底有滑溜芒果布甸、粒粒柚子和西米。
甜姨姨在銅鑼灣、天后和鑽石山均有分店，一於Bookmark定地址下次去食刨冰啦！
甜姨姨 Auntie Sweet
銅鑼灣分店
地址：銅鑼灣耀華街11號地舖
營業時間：星期一至四、日 14:00 - 23:30｜星期五至六 14:00 - 00:00
電話：5118 4324
鑽石山分店
地址：鑽石山龍蟠街3號荷里活廣場1樓177號舖
營業時間：星期一至日 15:00 - 23:45｜公眾假期 15:00 - 02:00
電話：9303 2653
