日式蛋糕店消暑新品 超濃郁 65% 脆皮朱古力雪條 / $8 波子汽水雪條

text│sieg

日式蛋糕店 Châteraisé 的雪條有唔少好評，還不時有新口味推出，剛剛又出了 5 款。當中 3 款是朱古力口味，分別是特濃脆皮朱古力、牛奶朱古力脆皮及朱古力閃電泡芙（Eclair）。特濃朱古力口味記者高推！脆皮用上 65% 單一委內端拉可可製，雪糕部分則用上比利時及法國朱古力，朱古力味勁濃，流住朱古力血嘅朋友一定會鍾意。

鍾意吃冰條的，又可試試蜜柑同波子汽水口味，兩款都用山梨縣南阿爾卑斯白州水製，前者用上 100% 的溫州密柑，柑味天然；後者波子汽水味重，小朋友應該會好like，$8 一支，打孖食晒兩款都唔肉赤。　　

蜜柑雪條 $8 支、波子汽水雪條 $8 支（右）

牛奶朱古力脆皮雪條 $20 支、特濃脆皮朱古力雪條 $20 支（右一及二）
脆皮用 27% 的單一迦納可可做，偏甘帶果仁香，包住北海道忌廉做的呍呢嗱雪糕；後者脆皮 65% 的委內端拉產單一可可黑朱古力製，雪糕部分則用比利時朱古力及法國朱古力。

蜜柑雪條 $8 支、$48 六支裝
用 100% 日本溫州蜜柑做，橘子味清香。

波子汽水雪條 $8 支、$48 六支裝
汽水味媲美剛開蓋的波子汽水，偏甜一點，小朋友實鍾意。

特濃脆皮朱古力雪條 $20 支
脆皮 65% 的委內端拉產單一可可黑朱古力製，雪糕部分則用比利時朱古力及法國朱古力。先嘗到黑朱古力脆皮的果酸與果仁香，雪糕朱古力味也濃。

牛奶朱古力脆皮雪條 $20 支
脆皮用 27% 的單一迦納可可做，偏甘帶果仁香，包住北海道忌廉做的呍呢嗱雪糕。

朱古力閃電泡芙 $15 件
法式 eclair 泡芙裏有滿滿的朱古力忌廉，朱古力味中等，建議由雪櫃取出後略放一回，待忌廉變軟時吃，最是美味。

朱古力閃電泡芙 $15 件

波子汽水雪條 $48 六支裝

【info】
全線 Châteraisé