舊屋邨車仔麵檔 18 款精製車仔餸 / 記得加秘製沙茶辣椒醬

舊屋邨車仔麵檔 18 款精製車仔餸 / 記得加秘製沙茶辣椒醬

發佈: 2022.09.06
文: U Magazine

text│Sakura

時代廣場附近有間車仔麵新店,門面參照舊式公屋摺閘設計,放着黑膠唱碟機和舊式收音機等裝飾品。原來健老闆一家幾代都住黃大仙公屋,充滿美好回憶,決定以屋邨情懷作麵店主題。

老闆一家本在灣仔經營港式小炒,餐飲經驗豐富,今次轉營車仔麵店,特別講究食材和品質,一手一腳包辦湯底、配菜和醬汁。車仔麵湯底以豬頭骨和白胡椒等材料熬製,不加味精,胡椒味濃郁,加埋腩汁更惹味。車仔餸有 18 款,牛腩是牛肋條,燜至肉質腍滑有彈性;南乳豬手用多種滷水香料和南乳製成,肉質爽彈,骨膠原豐富!

自家製的沙茶醬和辣汁也特別。沙茶醬味道濃郁帶少許甜辣;秘製辣汁則辣勁十足,更可要求雙拼兩款醬汁,夠過癮!

四餸車仔麵 $44
一碗有齊店中招牌的南乳豬手、豬腸、瑞士雞翼和春卷,湯底濃郁,添上自家製沙茶醬,鹹鮮味 double up!

大麵 $46
6 款配菜包括豬紅、豬皮、牛腩、蘿蔔、孖筋和滷蛋,豬紅厚肉肥嫩,豬皮吸滿辣汁,滿足!

四餸車仔麵 $44
鮑汁雞腳、水魷、爆汁潮州牛丸及花菇都很有嚼勁,爆汁牛丸有驚喜!

細麵 $41
細麵共 4 款餸,包括豬紅、豬腸、牛肚和牛丸,豬腸口感爽滑,水準不錯。

雞翼尖 $28
醃得夠味,醬香味道一流。

麵檔

地址:銅鑼灣勿地臣街 10 號地舖

電話:2889 9011

營業時間:11am - 10pm

↓【送禮】請您同毛孩免費住酒店!↓

↓立即分享寵物照片 贏走獎品!↓


↓ 源自英國的健康果汁品牌 ↓

純天然、無濃縮、無添加鮮搾果汁果昔!

more