無限時火鍋放題 淥鼎記新店 358 元無時限套餐 / 怒食安格斯牛 + 送刺身及海鮮

發佈: 2022.09.21
文: U Magazine

自問是大胃王,這間好評無限時火鍋放題店你一定聽過!最近於旺角開分店,佔地 6,500 呎,裝修格調高雅。

無限時火鍋放題 淥鼎記新店 358 元無時限套餐 / 怒食安格斯牛 + 送刺身及海鮮

新出的「爵爺套餐」安格斯頂級牛小排海鮮套餐,7:30pm 前離座或 10pm 後入座,只收 $298 位,火鍋陣容跟無限時完全一樣,有齊重量級主菜,每人贈送海鮮、刺身、滷水拼盤,仲可任食 40 多款火鍋配料!當然,食放題唔鍾意限時限刻,不妨畀多 $60,就可以由由 5:30pm 食到 12mn,6.5 小時肯定夠你試勻所有配料。

主菜 6 選 1,可選老壇酸菜鱸魚、重慶雞煲、香辣烤魚、辣子雞、水煮牛肉和椰子雞。酸菜魚和雞煲一向是這店招牌,前者選用厚肉肥嫩新鮮鱸魚片,川味頗正宗,街價都要 $150,點這款很抵;後者則以秘製麻辣雞醬炒,雞件多肉有醬香,食完主菜、未打邊爐已飽了五成。

無限時火鍋放題 淥鼎記新店 358 元無時限套餐 / 怒食安格斯牛 + 送刺身及海鮮

接着火鍋湯底上場,大家可從鴨血麻辣湯、皮蛋芫茜豆腐湯、豬骨湯和海皇海鮮湯底 4 款中選一款,嗜辣必食鴨血麻辣鍋,中間仲放上心型牛油,好打卡之餘,麻辣鍋的麻勁與牛油香也到位!

套餐包一客按人頭計算海鮮拼盤和安格斯頂級牛小排,海鮮每日街市購入,新鮮爽甜;牛小排雪花紋理細緻,肉質嫩滑又香滑,食肉獸驚唔夠喉?仲有多款肉品任食,包括安格斯牛肩胛肉、紐西蘭羊肉片和鹿兒島夢幻豚,仲有丸類、餃類、響鈴等 40 款火鍋配料,最後仲送每人一杯 Häagen-Dazs 雪糕,咁多嘢食,真係要搏老命狂食!

無限時火鍋放題 淥鼎記新店 358 元無時限套餐 / 怒食安格斯牛 + 送刺身及海鮮

爵爺套餐 $298 位(7:30pm 前離座或 10pm 後入座)、$358 位(無限時)
這安格斯頂級牛小排海鮮套餐非常豐富,包主菜、海鮮拼盤、刺身、滷水拼盤、安格斯頂級牛小排和任食 40 款火鍋配料。

無限時火鍋放題 淥鼎記新店 358 元無時限套餐 / 怒食安格斯牛 + 送刺身及海鮮

鴨血麻辣湯(自選湯底)
麻辣湯以青花椒、紅花椒、蒜蓉、乾辣椒等熬製,放上心型牛油,湯底滾起,牛脂香四溢,辣度與麻勁愈煮愈勁。

安格斯頂級牛小排(按人頭計量)
安格斯牛水準不俗,肉質嫩滑,入口有油香,牛味適中。

無限時火鍋放題 淥鼎記新店 358 元無時限套餐 / 怒食安格斯牛 + 送刺身及海鮮

鮑魚(海鮮拼盤項目)
大大隻,質地爽彈,煙韌有嚼勁。

無限時火鍋放題 淥鼎記新店 358 元無時限套餐 / 怒食安格斯牛 + 送刺身及海鮮

皮蛋芫茜豆腐湯(自選湯底)
芫茜味勁濃,味道清新,芫茜落得毫不客氣,抵讚。

重慶雞煲(自選主菜)
雞件以秘製麻辣雞醬、豆瓣醬、海鮮醬、柱候醬、花椒油等製成的醬料爆炒,醬汁濃稠,雞件入味多肉。

無限時火鍋放題 淥鼎記新店 358 元無時限套餐 / 怒食安格斯牛 + 送刺身及海鮮

日本直送時令刺身(按人頭計量)
刺身由日本直送,當天有三文魚腩、帶子、赤蝦、鮑魚和北寄貝。

無限時火鍋放題 淥鼎記新店 358 元無時限套餐 / 怒食安格斯牛 + 送刺身及海鮮

金湯酸菜鱸魚(自選主菜)
湯底以泡酸菜、紅辣椒、花椒、自家製魚湯調製而成,鹹鮮酸辣,鱸魚肉質鮮嫩。

午市時段主打精緻手工點心,款式超過 20 款,每款價錢由 $19 起。


淥鼎記

地址:旺角彌敦道 593-601 號創興廣場 5 樓

電話:2755 5322、6297 0233(WhatsApp)

營業時間:10am - 4pm、5:30pm - 12mn

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more