text│Sakura photo│Kuen
人人追捧酥皮蛋撻，記者卻在深水埗元州街找到一間人龍麵包店找到一個很好、又巨型的曲奇皮蛋撻。這個蛋撻有唔少新意，中間是布甸、體積更是普通蛋撻的 1 倍，3cm 高、9cm 闊，平均日賣過千個。
布甸蛋撻一推出就成為熱賣 No.1。老闆 Tony 說：「食蛋撻一個永遠唔夠喉，呢款加大碼的蛋撻就啱啱好。食法好招積，用匙羹舀中間的蛋漿食，加埋鬆化的曲奇皮，真的很超值！」的確，這件蛋撻重 150g，「布甸」蛋漿佔 100g，非常「墜手」，只賣 $12，激抵！
最令人驚訝是蛋漿部分，拎起手輕輕搖晃有「動 L」效果，又滑又軟，更傳來陣陣蛋香！蛋漿滑溜如日式布甸，原來做法相似，竅門就是滴水不落，先將牛奶加熱再加入砂糖，待完全融化後就能做出光滑的效果，攤凍後再加入雞蛋、忌廉攪拌成為蛋漿，隔夜留用蛋撻以 250℃ 高溫焗 30 分鐘，金黃鬆脆的「布甸」蛋撻就出爐啦！
撻皮都花咗不少心思，坊間多數會用砂糖製作，這裏則以糖粉（icing sugar）、糖霜，較砂糖幼細，口感更酥脆鬆化。另外也加入雞蛋、鮮牛油、植物牛油、日本麵粉和奶粉，其中鮮牛油和植物牛油各佔一半，食落無咁油膩，又有牛油香，而奶粉亦可提升蛋香，令顏色更鮮黃。師傅用陰柔力度、兩三下手勢把撻皮按壓至厚度不過 5、6mm，蛋撻食落不會一口皮，極鬆脆。
布甸蛋撻 $12 件
3cm 高、9cm 直徑的蛋撻極有分量，切開可以看見蛋漿比例佔整件蛋撻 4/5，非常足料，外層撻皮又薄又鬆化，蛋味香濃，吃蛋撻鍾意吃蛋漿部分嘅，一看尖叫！曲奇皮牛油香適中，沒有過分油膩的問題。
食法好招積，Tony 建議用匙羹舀起布甸慢慢品嘗。蛋漿加了牛奶及忌廉做，比一般只用蛋跟水做的，更香軟溜溜、也有奶香帶甜，
左邊的是普通蛋撻，右邊的巨型布甸撻，大家看出兩者大小、高度的差別。布甸撻曲奇皮的色水夠深，因為用上鋁製模，烘焙時受熱均勻，可以令撻皮四邊上足顏色。
蛋漿一滴水都不落，只加牛奶與忌廉，預求令蛋味奶香更濃，兼做出滑溜輕軟的布甸口感。
選用糖粉、糖霜製作蛋撻皮，貪這兩款糖口感較幼，曲奇皮口感更細膩。加埋雞蛋、鮮牛油、日本麵粉和奶粉等，未焗已飄來牛油香。
星味坊
地址：深水埗元州街 149 號地舖、元朗康景街 2-20 號鈞德樓地下 12 號舖
電話：2311 3933（長沙灣店）、3460 4051（元朗店）
營業時間：7am - 8:30pm
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
