麗豪酒店平玩豪食

saomeitea

評分:

5/5
上星期男朋友生日,訂左個沙田麗豪住宿套餐,可以係酒店餐廳食番$998蚊野,又有巴士接送,都幾化算方便wor!
 
其實我之前都去過麗豪食野,見佢開左間新泰式餐廳 – Vi,就去試下啦~可能新開張,人流唔算多,可以比我地靜靜地傾下計,叫左個2人餐$168一位,都幾多野食!
 
頭盤小食 – 坐低左佢地就送左份蝦片黎,幾香口少少辣連同酸辣汁一齊食。好醒胃,重可以refill添。
 
柚子大蝦沙律 – 味道唔錯,酸酸地,好醒胃,大蝦好新鮮,味道都好fresh!推!
 
牛油蒜香牛柳粒 – 我同男友至愛,好野味,正!
 
青咖喱 – 幾香又唔太辣,配上蒜蓉包,味道一流!份量幾好,四個人食都夠!
 
冬陰公 – 真係好足料,有大頭蝦,味道真幾好,但係我就覺得唔夠辣,都OK啦~
 
整體環境同服務態度都非常好,餐廳員工重不時問我o地D野食意見。我地食足3餐都食唔晒o個$998,下次可以叫埋屋企人一齊去試下其他餐廳先~