好有泰國渡假Feel既酒店越泰餐廳

馬騮精

評分:

5/5
家人一向好鍾意食泰國菜, 夠濃味夠香口, 專程走到麗豪酒店的越泰菜餐廳慶祝爸爸生日, 餐廳位於地下, 裝修好新, 有笆焦吊扇, 有竹吊燈, 籐椅, 大落地玻璃窗, 雖然樓底不夠高, 亦非常寫意, 擺設及餐廳設計好有泰國渡假Feel.
 
叫左小食拼盤(串燒沙爹,香蘭葉包雞,魚餅,越南春卷)、醬燒豬頸肉沙律、咖哩海鮮、蟹肉粉卷、酸甜魚、大蝦炒金邊粉、南瓜布甸
 
醬燒豬頸肉沙律超正, 啲醬汁好有特色, 甜辣酸有齊, 我不認識呢d是否地道既泰式醬料, 但食得出是獨有自家調校的。
 
大蝦炒金邊粉配料都足, 但我就嫌粉既份量不夠, 我嗜澱粉質既就吃得不夠滿足。
 
蟹肉粉卷, 係凍既粉, 感覺似凍既米粉但比較林一d, 好得意好特別, 值得試, 點上有少少咖喱味的甜醬汁, 好醒胃.
 
酸甜魚脆脆的啖啖肉, 辣辣地好開胃, 但鹹了少許
 
家人一致推介南瓜布甸, 布甸釀入南瓜裏面, 口感滑滑的, 甜度剛好, 夠清新,又有南瓜肉刮下, 好!
 
總括而言, 很欣賞啲醬汁, 款款不同好特色, 仲有菜式辣味剛好, 少吃辣者都可以接受。加上環境一流, 可以拍住拖黎試。