有驚喜喎

Miffy

評分:

4/5
住0係沙田十幾年,真係好怕去到沙田新城市又迫餐死,咁0岩收到大新銀行既宣傳單張,去麗豪酒店食飯有discount,近近地去試返餐啦
 
一家3口去左間叫夢既越南泰國餐廳食晚餐,一入去d waiter, waitress都好友善咁招呼我地,1分鐘內有menu有水,好有效率喎~
 
我地叫左客窩巴,醬燒豬頸肉,泰式炒什菜,青咖里雞配蒜蓉包,生牛肉湯河同芒果黑糯米。覺得最值得一試既係個醬燒豬頸肉,個汁較得好正,酸酸地,有黑椒味同少少辣,配埋切得薄薄地既豬頸肉,超好味~而青咖里鴨真係好香,充滿d香料味,雞肉夠嫩滑,唔錯。個生牛肉湯河最正既係啖湯,未食已經聞到好香好濃既牛肉味,同平時在街食既味道差得遠啦!
 
Overall黎講都算唔錯,不過個芒果黑糯米就有d失望。雖然個manager事先講過話d芒果會比較酸,但我地都叫黎食,點知真係會酸成咁囉…..早知就叫個南瓜布甸啦,見隔離枱話好食….真係蠢左啦!