任點任食,值得一試

阿麗

評分:

4/5
平時搭車經過成日見到呢間叫河夢嘅越泰餐廳,都無機會去試,今日終於約到成家黎食喇,原來呢間餐廳而家做緊任點任食,仲送個紅燒翅同埋椰汁燕窩燉奶,細佬話好想食,於是我地就試咗呢個任點任食喇。
呢度款式都幾多下,我地樣樣都差唔多叫咗D試下,最正係個軟殼蟹米紙卷,D甜品都唔錯,有我至愛嘅椰汁西米糕,細佬最鍾意係個越南蔗蝦同埋沙嗲雞串,叫完再叫,阿妹話個蒜椒香脆豬柳好好味,其他好似南瓜蟹肉湯、素菜春卷、燒羊扒、鮮蝦炒金邊粉、豆醬炒通菜等等都okay啦,最特別係杯三色冰,D粒粒出面煙煙un un咁入面就有粒好似馬蹄咁嘅野好爽好正好特別,佢地個個試完都一人叫咗杯。
呢度嘅服務好好,態度友善,出食物都出得幾快,無溜單嘅情況出現,食物質素不錯,價錢合理,真係值得一試。