城門河夢

MAKARPURA星

評分:

4/5
是日放工後, 到了沙田禾輋嘅吉之島超級市場購物. 呢度地方雖然唔算細, 不過貨物種類似乎比其他吉之島超市少, 而且賣的都好地道, 日本貨唔夠多.
 
由於係某網上食評見到麗豪酒店有間叫"河夢"嘅餐廳, 佢嘅任點任食晚餐大獲好評, 於是去試下佢嘅越泰菜.
 
任點任食晚餐每位$238, 另包每人一個泰式砂鍋紅燒翅同椰汁燕窩燉奶. 不過可能生意唔太好, 餐廳攪攪啅頭. 攪咗個降溫優惠 - 用是日溫度做指標, 如果是日溫度係30度, 便 30% off, 如此類推.
 
沙律 + 湯 + 甜品 - 自助型式
 
沙律 - ok 的, 不過其中有一個炸雞蛋沙律, 雞蛋竟然炸得像擦子膠咁韌
 
泰式砂鍋紅燒翅 - 豆粉開水 
 
串燒 + 豬頸豬肉 + 軟殼蟹米紙卷 - 合格
 
咖哩炒蟹 - 差強人意
 
冬蔭功 - 蝦好霉, 冬蔭功一味得個酸, 完全唔辣
 
豆醬炒通菜 - 一般
 
海南雞 - 除咗果兩 pat 醬之外, 無乜海南 feel !
 
蔗蝦 + 香茅魚餅 + 香茅雞翼 - 唔得
 
生牛肉湯河 - 呢個唔錯 
 
青咖哩鴨 - 唔好食
 
蒜蓉包 - 呢兩件熱辣辣又夠脆, 好食 可惜 encore 果 round, 包只有微溫
 
越南春卷 + 鳳尾蝦 - 有水準
 
甜品 - 唔見得出色, 不過芒果糯米飯無食評講嘅咁差
 
椰汁燕窩燉奶 - 心知肚明咁嘅價錢, 翅同燕窩有幾堅啦
 
埋單結帳, 每位$238-另收加一, 七折但不包括加一, 折後實收每位$190-. 人家話晒都係一間酒店, 如此價錢任點任食, 真係無嘢好講.雖然餐廳出盡法寶, 可惜入座率都只得五成, 只嘆一句: 世界難撈!!!