其實我對碳水化合物食物真係唔好，不過如要從粥粉麵飯類別人揀選的話，我首選一定係麵包，不過只限冇餡而又煙韌的包我就最愛！
呢間Maison Eric Kayser真的有好多好多款式都好好食，夠煙韌也夠柔軟度且芳香，之前去開尖沙咀首店，呢次就試試分店有冇唔同。

意大利包 Italian Ciabatta ($18)
麵包的皮脆脆的，雖然冇乜味，但蜂窩狀的麵包心鬆軟可口，水份完全充足，Good !

朱古力維也納包 Viennese Chocolate Bread ($18)
麵包外表乾身，但皮脆肉軟，內外都有黑朱古力，都幾好����，朱古力味也不錯。

蘋果酥 Apple Pie ($20) 
形狀幾靚，外表微燶感覺好香脆，雖然切落去已經淋左，不過中間夾著大量蘋果茸，香甜配咖啡一流。

意大利橄欖包 Italian olive bread ($22) 
見橄欖包新鮮出爐香香的，買！質感與意大利包一樣，裡面有大量橄欖粒，好食好����，相信唔鍾意原粒食橄欖的都會鍾意呢個包。