百零蚊任食任飲，可能大家都唔覺得出奇，但位於葵芳的「極品煮意」可以說係當中顏值最高之一。先講價錢，分五個時段；最平係六點半前結帳，只係 $100，就算黃金時段，都只係 $148（星期一至四）及$158（星期五六日及公眾假期及前夕），免收加一；難得係每個星段吃的東西都大致相同，真係抵到無朋友。為免同人逼，我今次揀咗 7:45pm 前結帳離座的時段，每位 $138，可任食 2 小時。
任飲任食設 5 個時段，夠均真；最平 $100 有交易，黃金時段都只係 $148，重要係連加一服務都免，抵食。
湯底有 12 款選擇，分烤魚類和雞煲類及烤魚類；烤魚湯底有麻辣和酸菜辣，而雞煲類則有麻辣、醉雞、椰子雞等，選擇好多元化；最讚係雞煲類係無限添加，真係食雞都食到飽！
今次揀咗麻辣雞煲（小辣），打開煲蓋即聞到好香的麻辣味！飲少少湯，花椒八角味好濃郁，明顯係真材實料熬；雞件數量大概有一隻雞，非常足料。雞肉夠嫩無雪味，食到雞肉的鮮甜。
時令推介：好凍呀！食編心水 3 大炭爐邊爐
湯底有十多款選擇，好似秘製極品雞煲、滋補醉雞鍋、砂鍋雲吞雞煲、鹹菜豬肚雞煲、酸菜烤魚鍋、老干媽酸菜烤魚鍋，部分可選大中小辣，貼心。
食完大餐雞，可以打邊爐。配料方面，多達 50 款，揀到眼花！除了肉類以點餐紙形式落單外，其餘都是到凍櫃任取，兩個大大雪櫃，有超過 30 款配料，丸類、蔬菜、紅腸午餐肉，連麵食烏冬都有 5 款咁多，飲品加啤酒都有 20 多款。
肉類方面，有美國肥牛、蒙古羊片和五花豬腩片等，牛肉略肥，羊肉柔軟兼羶味適中。
我最愛五花豬腩片，爽口有肉味。
其他火鍋配料超過 30 款，放在雪櫃中任取，好似紅腸、午餐肉、丸類及蔬菜。
生料不特止，自助桌上仲有 6 款熟食同兩款糖水，埋單後每人仲有一杯仔雪糕，種類多到咁，每款吃一點點都飽到捧住個肚！每人百多元，唔會回唔到本卦？！
6 款熟食，每日不同，今日有蒜香青瓜、蓮藕、花生雲耳、炸春卷及薯角等，個人推介是豉汁雞腳，夠入味之餘亦夠稔身。
飲品除咗啤酒汽水任飲外，仲有清熱涼茶。
極品煮意
地址：葵芳盛芳街 40 號寬德大廈 2 樓
電話：2613 9866
營業時間：4pm - 2am
收費：星期一至四 $138（成人）、$98（小童）；星期五、六、日、公眾假期及假期前夕 $148（成人）、$108（小童），入座起計 2 小時，於 7:45pm 前結帳離座。
註：另按不同時段，收費各異，可致電查詢。
文：Theo、攝：Kee
本周必試：$78 一爐兩食 火鍋 + 蛋漿鐵板燒
入廚必備：萌爆！日系動物頭砂煲
放題精選：激平！屋邨熟食檔$118 無限時任食串燒
歡迎你 like 我哋 U Food Facebook Page / U Food Instagram ，取得我哋更新更快嘅資訊！
