香港人成日都想去旅行食唔同國家美食，但有時留喺香港，一樣可以令味蕾環遊世界！黃埔新天地就可以滿足大家，場內八十幾間特色食肆一網打盡中西日韓同東南亞環球美食！快啲睇吓下面精選嘅12間餐廳，帶你食盡全球啦！
銀座梅林 外脆內嫩吉列豚肉
1927年日本開業嘅吉列豚肉專門店銀座梅林，必試嘅鎮店名菜包括梅林豬柳三文治及梅林特選滑蛋豬柳飯，以170度油溫炸出香脆而不油膩嘅吉列豚肉，令人食唔停口！
梅林特選滑蛋豬柳飯選用上乘豚肉，咬落脆而不膩，清爽綿實。
地址：紅磡黃埔新天地享膳坊G3A號舖
電話：2772 2388
營業時間：11am-10:30pm
Beerliner German Bar & Restaurant正宗德國口味
食德國菜，一定要去Beerliner German Bar & Restaurant，招牌菜包括秘製德國鹹豬手以及自家製得獎冠軍肉腸，德式滋味滿瀉，而且酒吧區更會直播各項世界級球賽，最啱同朋友歡聚暢飲或者家庭聚會！
啖啖肉嘅德國鹹豬手皮脆肉厚，送啤酒一流！
地址：紅磡黃埔新天地享膳坊G10號舖
電話：2254 6178
營業時間：12nn-11pm
麥奀雲吞麵世家 傳承細蓉傳奇
麥奀記雲吞選用新鮮海蝦、鴨蛋及蝦籽等作餡料，皮薄蝦鮮；麵條則用加拿大麵粉及鴨蛋製成，麵質份外幼滑有彈性。更以大地魚乾、蝦籽及豬脊骨熬數小時嘅湯底，絕對係細蓉靈魂所在！
堅持唔落豬肉嘅招牌雲吞，入口滿滿海蝦鮮香，同彈牙麵條係絕配！
地址：紅磡黃埔新天地享膳坊G12號舖
電話：3905 1298
營業時間：9:30am-12:30am
王家沙花樣年華 型格滬菜
位於黃埔嘅王家沙花樣年華旗艦店係創始總店，其菜餚集傳統滬、港兩式烹調特色集於一身，菜單不乏創意點心，當中好似天鵝形狀嘅雜菌松露酥，以及貢梨形嘅鹹水角，入口美味，打卡影相亦一流！
招牌蟹粉小籠包用料足，咬開之後蟹粉傾瀉，鮮味至極。
地址：紅磡黃埔新天地享膳坊G16號舖
電話：2365 0669
營業時間：11am-10:30pm
詠藜園四川擔擔麵 米芝蓮擔擔麵
詠藜園於上世紀四十年代喺鑽石山大磡村發迹，已經連續5年獲選米芝蓮推介食府！傳頌多年的擔擔麵用上自家製麵條，入口煙韌度適中，係每一位食客必點嘅招牌麵食。
除咗招牌擔擔麵，仲有獲獎無數嘅金獎雲白肉，以巧手將豬腩肉切成薄片，配以秘製醬汁，不可錯過。
地址：紅磡黃埔新天地美食坊102-103及105號舖
電話：2320 6430
營業時間：11am-3:30pm、6pm-10:30pm
名館 食盡大江南北
今年4月於黃埔開業嘅名館，供應新派江湖菜，即係一網打盡祖國大江南北菜式，既可品嚐小籠包亦可歎水煮魚，再來廣東燒味及焗飯都可以，三五知己同行一定揀到心水菜式！
辣度適中的水煮魚片以無骨龍脷柳炮製，滑口兼啖啖肉。
地址：紅磡黃埔新天地美食坊113號舖
電話：2122 9089
營業時間：11am-10:30pm
早安越南 型格越菜
洋溢越南街頭粉麵檔氣息嘅早安越南，老闆曾赴當地考察鑽研正宗越式口味。招牌菜生牛肉湯河嘅湯料充足，以牛隻多個部位熬煮成湯底，配以雪花分布均勻嘅肥牛，鮮味濃郁！
越式鮮胡椒大蜆以大量新鮮胡椒及香料入饌，比一般港式炒蜆惹味。
地址：紅磡黃埔新天地美食坊115號舖
電話：3152 2866
營業時間：11:30am-10pm
California Pizza Kitchen 招牌美式薄餅
CPK主打菜式包括美式薄餅、特色沙律及意大利粉等，仲會不時推出新菜式，近期推出烤豬肋排以及牛扒，深受一眾肉食愛好者歡迎！
地址：紅磡黃埔新天地美食坊302號舖
電話：3152 3313
營業時間：11:30am-10:30pm
海福樓 主打特式海鮮佳餚
海福樓是位於九號水產埸內唯一中菜餐廳，提供多款精緻廣東點心及中式佳餚。大廳採用仿古木材營造漁船船艙氣息，貴賓包廂以石牆及弧形長廊設計，營造出張保仔洞的神秘氣息。
白汁芝士海皇焗蟹蓋將蟹肉與帶子粒炒香，配上芝士及鮮奶做醬汁，釀入蟹蓋焗製，啖啖蟹肉充滿奶香。
地址：紅磡黃埔新天地百合苑商場九號水產G6-7號舖
電話：3169 0880
營業時間：11:30am-3pm、6pm-11pm
丼丼屋 日式丼飯專家
日式丼物專家丼丼屋每年走訪日本全國，搜羅唔同縣市名物帶返香港。丼丼屋最近就同九州熊本縣合作，精選高質熊本A4黑毛和牛同幾款採用優質熊本直送食材嘅特色美食帶來香港。
和牛石燒定食用足料澳洲和牛放在熱石上燒製，牛肉原汁原味，配以日本米飯，滋味又滿足。
地址：紅磡黃埔新天地聚寶坊G2及2A號舖
電話：2321 8898
營業時間：11:30am-10:30pm
鮨文 頂級享受Omakase
人氣壽司店鮨文以omakase（廚師發辦）為賣點，材料全由師傅挑選最時令食材，每日由日本各原產地直送，駐場的健師傅提出食omakase貼士，只要由淡至濃味循序漸進，就可以食出層次鮮味啦！
時令壽司件件精緻，材料包括海膽、拖羅及自家調味的三文魚籽。
地址：紅磡黃埔新天地聚寶坊G22A號舖
電話：2794 3995
營業時間：12nn-3pm、6:30pm-11pm
九重鮮 蒸出九層鮮味
九重鮮主打韓式九層蒸氣鍋，每日特選新鮮食材，以蒸煮方法烹調令鮮味一滴不漏，精華最後沉於粥底！晚市最近推出極尚特濃湯串串鍋，特設三款時令海鮮及蔬菜盤，配合多款自選串串，湯鍋天天轉款，保證有驚喜！
以韓式蒸氣鍋炮製原隻阿拉斯加蟹，令鮮味不溜走。
地址：紅磡黃埔新天地聚寶坊G26號舖
電話：2321 0188
營業時間：12nn-3pm、6pm-11pm
紅磡黃埔新天地
電話：2121 8344
前往方法：港鐵黃埔站C/D出口
以上資料由紅磡黃埔新天地提供。
