上環打工仔和街坊食Lunch又有新選擇啦！上環有間日式腐皮壽司外賣店「一碗難忘 Unforgettabowl」新開張，主打超過20款足料爆餡腐皮壽司，有藍鯨拖羅蓉、蟹籽明太子、帶子、蒲燒鰻魚等，還有沙律和蔬果汁～秋風起買腐皮壽司去野餐也不錯呢！
Click圖睇Menu：
小台的腐皮壽司有20多種口味，大件爆餡啱晒打卡，每件$24起，逢11am - 3pm時段更有腐皮船Lunch Set（$68／3件），套餐還附送飲品～
鹹甜腐皮加上豐富餡料，賣相吸引～藍鯨拖羅蓉腐皮壽司（$38）的吞拿魚腩綿滑鮮味；蟹籽甜蝦（$32）以及蟹籽帶子腐皮壽司（$38）的刺身好鮮甜。
推介蒲燒鰻魚腐皮壽司（$32）肥美富魚油香；炙燒蟹籽甜蛋腐皮壽司（$26）
龍蝦沙律（$32）、蟹柳沙律腐皮壽司（$24）餡料滿滿，大件飽肚。櫻花魷魚（$32）和黄金魷魚腐皮壽司（$26）口感爽彈。
北寄貝沙律腐皮壽司（$32）的沙律比例略多，不過依然能食到粒粒北寄貝。味付帶子裙邊（$26）、芥辣八爪魚腐皮壽司（$26）好惹味。
自選沙律（細碗 $58｜ 大碗 $68）方面有多款選擇，包括蜜柑鴨胸馬蹄沙律、吞拿魚通心粉沙律、柚子蝦仁南瓜青瓜沙律等，可任選3款配料，如車厘茄、粟米、日本仿蟹柳、吞拿魚肉等，以及配一款醬汁如意大利黑醋汁、香茅柚子醬、千島醬等，亦可免費加黑橄欖、南瓜籽、提子乾。除了輕食外，店舖另有供應花茶、水果茶及鮮榨蔬果汁，如青瓜西芹鳳梨汁等，有助排毒好健康～
一碗難忘 Unforgettabowl
地址：上環孖沙街11A號地下
營業時間：星期一至五 11am - 7pm｜星期六 11am - 5pm（逢星期日休息）
授權轉載：IG@foodstalkers_hk
圖片來源：IG@unforgettabowlhk
↓ 盡情食招牌即蒸鮮波士頓龍蝦！↓
↓ 立即入APP參加遊戲嬴走！↓
↓ 【送禮】大派主題樂園門票100張！↓
↓ 社群地圖企劃！立即入APP參加！↓
