手作甜品網店千層卷/卷蛋/麻糬盒子蛋糕 開心果/抹茶奶凍/士多啤梨芝士/芋泥/美祿脆脆

發佈: 2023.02.23
文: 黃詠恩

召集甜品控!人氣IG Shop網店「Cake Cake Day」主打自家製千層卷、奶凍卷蛋、麻糬盒子蛋糕,蛋糕有多款口味選擇,如開心果、小山園抹茶、士多啤梨芝士、芋泥、美祿脆脆、朱古力等,當中千層卷雪凍食似雪糕,解凍後口感香滑,雙重食法好吸引~

同場加映:鬆脆爆餡!法式車輪牛角酥甜品網店 草莓芝士奶蓋/抹茶麻糬/開心果味/蕨餅豆乳蛋糕

招牌原條千層卷有超過20款口味,千層蛋糕卷有兩種食法,享用前需存放於冰格,雪凍食似雪糕,口感較挺身,而解凍後質感變得香滑Creamy~

士多啤梨芝士千層卷($165)和藍莓芝士千層卷($165),加入粒粒果肉,莓味天然,前者味道像草莓雪糕,後者似藍莓乳酪,酸甜開胃不甜膩,值得一試!

美祿脆脆千層卷($155)混入了脆脆令口感更豐富,美祿味超濃郁,好邪惡!朱古力焦糖脆餅千層卷($155)以焦糖忌廉加入大量Lotus焦糖餅,略嫌朱古力班戟皮的可可味被焦糖蓋過了風頭。

開心果千層卷($175)每一口都散發香濃開心果味,忌廉厚滑,至於伯爵茶千層卷($165)茶味清香。

原條卷蛋有9條口味,小山園抹茶奶凍奶蓋卷蛋($188)是人氣口味,選用京都小山園龍膽、若竹抹茶,茶味香濃微甘,不過海鹽芝士奶蓋偏鹹,跟抹茶味不太夾,而奶凍甜度低一點會更理想。

小山園焙茶麻糬奶蓋卷蛋($188)茶味香醇,中間有煙韌鮮奶麻糬。黑芝麻牛乳奶凍卷蛋($188),用上日本芝麻醬,濃香芝麻加上滑溜奶凍,層次更豐富。

芋泥鮮奶麻糬盒子蛋糕($52)和朱古力鮮奶麻糬盒子蛋糕($52)至適合煙韌控,夾心加了拉絲麻糬,軟糯有咬口。芋泥甜度適中,配紫薯蛋糕多重層次,而朱古力忌廉用上法國Valrhona和Callebaut朱古力,還有Valrhona朱古力脆脆。

Cake Cake Day

觀塘自取點
地址:觀塘工業中心3期11樓s 室a單位
可自取時間4pm - 8pm

上環寄賣點:一碗難忘 Unforgettabowl
地址:上環孖沙街11A號地下
*上環店只提供奶凍產品,每星期更新一次甜品口味

IG專頁:cake_cake_day_
WhatsApp訂購:6411 1345

*需3天前預訂
*客人可自選地鐵站交收(最低消費$200),每日有5個名額,先到先得

<< 提醒各位購買前留意訂購平台的使用條款及細則,一切以訂購平台及店舖公佈的價錢為準。數量有限,售完即止;所有條款細則更新至文章發佈日期,訂購平台及店舖保留更改條款權利,U Lifestyle 概不負責。>>

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more