新年新氣象，不少打工仔在2019新的一年都有新的目標，轉個環境繼續拼搏，辭職Last day當然要花心思買散水餅，好好同曾經打拼的同事講再見啦！一般大路都是派西餅店賣的蛋撻、西餅，想買特別又好食的散水餅？小編今次就幫大家整理了10款散水餅，有過江龍人氣甜品，亦有布丁燒、手工麻糬撻等，夠哂特別！
1. IG網店手工撻
不少人選擇散水餅都會想到IG網店，外型可愛又多款式選擇，不過光是看可能就看了一整晚也決擇不到。這一間由人氣甜品Sum sum dessert的店主琛琛開設的手工撻網店主打特色麻糬撻，十分受網友歡迎，而且每月也有多達10款，就可以為同事選擇適合的口味！
2. 祝福布丁燒
除了蛋糕、撻等傳統的散水餅選擇外，原來布丁燒也可以當散水餅？元朗這間有名的北海道布丁燒就推出散水餅系列，顧客可選不同口味的布丁燒，更可在布丁燒上燙印上祝福字句，臨走前留句說話多謝同事！
3. 榴槤專門店甜品
如果同事都鍾意食榴槤，就可以選擇榴槤主題的甜品，佐敦這間三層高的榴槤甜品專門店就有多款貓山王甜品，有布甸燒、芝士撻、蛋糕等，榴槤控不可以錯過！
4. 過江龍大熱忌廉捲
韓星朴信惠都愛的人氣奶油捲近期登陸香港，招牌奶油捲以綿密蛋糕夾住香滑忌廉，再配上水果，買12件裝更有折扣，未諗到買咩散水餅都可以考慮下。
5. 芋頭專門店
相信身邊有很多朋友都是芋頭控，除了大甲芋頭奶、芋圓之外，亦可以買芋泥甜品給同事當散水餅。荔枝角這間芋頭專門店就提供不同產品，有芋頭酥、芋泥蛋糕等，買俾同事就最啱！
6. 無添加麵包店
這間無添加麵包店自設開放式工場，麵包及甜品每日新鮮製作。除了招牌牛角包外，更有不同法式甜品，之前更推出了紫薯卷蛋、多款凍撻，最適合派散水餅之用，不過記得提前預計啊！
7. 台灣人氣可頌
除了西餅、蛋撻，牛角包亦是個不錯的散水餅選擇。這間台灣過江龍去年登陸香港，推出15款口味牛角包，有鹹甜之選，啱哂所有同事～
8. 惡搞系列散水餅
早前人氣插畫家謝曬皮就與咖啡店合作，推出惡搞散水餅，散水餅有cupcake及撻件選擇，散水餅上插有謝曬皮的插圖，玩味十足，派散水餅都可以跟職位派。
9. 純素散水餅
素食者想買散水餅可以選擇這款純素散水餅，外型精緻又不含蛋奶，滿足同事的嘴饞之餘，又可以推廣素食！
10. 自製散水餅
細公司同事人少少，交情又好的不妨可考慮自製甜品當散水餅，這間烘焙教室有不同蛋糕班，其中就有卡通蛋形蛋糕、卡通馬卡龍等，讓同事在last day一試你的手藝！
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
