工廈食品店推出多款小食 臘味糯米飯春雞/水牛城/墨西哥單骨/芝麻雞翼

發佈: 2020.01.23

來到農曆新年當然會去拜年、逗利是啦,而以下這幾款食品就適合跟一大班親朋好友一齊happy share!有臘味糯米飯春雞、烤水牛城雞翼、烤墨西哥單骨雞翼及芝麻雞翼等等,大家不妨試下啦~

首先有臘味糯米飯春雞(特價$128),選用西班牙無激素、無催生的走地黃油春雞,再加入臘味糯米飯,飯內有臘腸、膶腸、蝦米等材料。糯米飯刻意不加入花生,有花生敏感的朋友都食到,十分貼心!

臘味糯米飯春雞煮食方法十分方便,拆開真空袋後放入微波爐叮一叮就可以,用氣炸鍋或蒸煮都得!詳情煮食方法:30store.hk

臘味糯米飯春雞食落皮脆肉嫩,建議要好好控制烤焗時間,烤焗時間太長會令雞肉變乾。至於糯米飯好足料,食落香口又軟糯。

還有芝麻兩節雞翼($60/約6隻)、水牛城雞翼($60/約9隻)及墨西哥單骨雞翼($60/約16隻),同樣放入微波爐叮熱就可以。芝麻雞翼大大隻,有微微辣味,炸皮香口;而水牛城雞翼的辣度及酸度較低;最後有適合懶人的墨西哥單骨雞翼,味道香辣惹味!

售賣點:叁拾士多

觀塘分店地址︰觀塘成業街19-21號成業工業大廈3樓322室
營業時間:星期一至日 12pm - 7:30pm

長沙灣分店地址︰荔枝角長沙灣道883號億利工業大廈1樓10A 室
營業時間:星期一至六 12pm - 8pm (星期日及公眾假期休息)

電話︰5540 0843

詳細資料:30store.hk

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more