驚安的殿堂(Don Don Donki)自去年登陸香港,已於尖沙咀及荃灣開設分店,早前官方確認第三、第四間分店會選址銅鑼灣及將軍澳,住附近的朋友又多個shopping掃貨的好去處。今次小編就帶大家到驚安尋寶,一齊睇睇有咩街外比較少見的日本零食!
1. 森永BAKE Creamy Cheese ($19.8)
這一款芝士餅乾用上3款芝士製作,食落口感似朱古力,濃濃芝士味帶一點檸檬香,不少網民都指呢款零食會食極唔停,鍾意食芝士的朋友就要試下喇!
2. KitKat特別口味 ($79.9)
驚安的殿堂更多款不同口味的KitKat,蘋果口味清爽不會太甜;日本酒味散發濃濃酒香,另外有梅酒味、焙茶味、士多啤梨芝士蛋糕口味等多款選擇。
3. 高知柚子雪葩 ($21)
這一款土佐雪葩有多款口味,柚子口味用上高知縣盛產的柚子,酸甜清新,而且更有粒粒柚子,柚子控可以試試。
4. 黑蜜黃豆粉麻糬 ($27.5)
鍾意食麻糬的朋友就要試試生切麻糬,生切麻糬不少超市都有賣,不過通常都要另外自己再加煉奶或其他醬料調味。但小編就搵到DONKI有售賣這一款附有黑蜂蜜及黃豆粉的麻糬,只需要將麻糬加熱再放上醬料包就食得!
5. 辣魷魚天婦羅片 ($10.8)
鍾意食泰國超味魷魚片的朋友可以試試這款炸魷魚片,口感脆夠惹味!
6. 即食芝士鱈魚Pizza ($32)
這款「即食Pizza」其實是芝士鱈魚片加上沙樂美腸,細細塊一個人食就最啱~
7. 麻糬雪糕 ($19.8)
煙韌控就要試試呢款麻糬雪糕,由日本百年老店冰品專家「井村屋」出產,紅豆牛奶味是牛奶味雪糕鋪上一層紅豆醬,上面再放上白玉,另外還有抹茶、芝麻等其他口味。
8. 芝士銅鑼燒 ($25)
迷你銅鑼燒配上芝士夾心,口感比較紮實,價錢相宜,有時想食銅鑼燒過下口癮可以試呢款!
睇埋日本Donki網站的零食銷量排行榜,香港分店都買到!
睇埋日本Donki網站的杯麵銷量排行榜,大部分香港店都買得到,買嚟夜晚當宵夜就啱哂!
圖片來源:FB@森永製菓株式会社、IRIS FOODS、井村屋、Don Quijote global shopping site、FB@高知 アイス、FB@DON DON DONKI