坊間吃到的大多是包裝乾意粉，想食新鮮手工意粉唔易搵。在 ig 發現這間 sell 本地鮮製的手工意粉店，花款多又 colourful，最驚喜是連貓耳朵、特飛粉、溝紋管粉等這些正宗意式口味都有！
這間 ig 店由 兩位 90 後 Johnny 和 Gary 開，所有意粉都需要提早預訂，工場收到柯打才在交收日子早上製作，為了保持新鮮度。意粉選擇超過 10 款，部分更提供番茄、菠菜、墨汁口味，用全天然色素上色，睇樣已經覺得好精彩。店內意粉主要分 2 大類，含蛋和不含蛋。無蛋意粉顏色較淡，呈米黃色，製作過程中只用到意大利小麥粉和水，食落麥味重，口感較煙韌，例如貝殼粉、貓耳朵粉等，特別為嚴謹素食人士而設。含蛋意粉則比較常見，材料中再加入了鮮雞蛋和意大利蛋黃，成品呈深黃色，食落比較彈牙滑身，富有蛋香，像絲帶麵、蝴蝶粉、螺絲粉等。
另一賣點是每份意粉配有自家製醬汁，加埋老闆的教學短片，不擅於煮食一樣可以 10 分鐘煮好碟「超扮野」意粉。醬汁選擇有 8 款，推介和牛番茄醬，驟眼看似肉醬，但質地冇咁糊，每條意大利粉剛好沾有醬汁，不影響彈牙口感，仲有澳洲和牛粒的口感。意大利青醬也做得出色，嚴選法國香草和松子仁，香味突出，不會過於「草青」味，味道清爽天然。
店子共有 12 款意粉選擇，每盒意粉會附自家製意粉醬，係屋企都可以輕鬆變大廚。
意粉都是人手製
番茄味意粉
菠菜芝士雲吞 $24/ 2 粒 口感 creamy，帶有淡淡奶香。
牛肉醬教士帽餃子 $80/ 12 粒 茄味肉味兼備，味道好 rich。
意大利雜菜蝦糖形餃子 $80/ 12 粒 食落帶有蝦的鮮甜，口感爽彈，惟煮製時較易散開。
特色卡邦尼雲吞 $30/ 2 粒 店子自創款式，內藏日本雞蛋黃，按指示時間烹煮就可有流心效果。
和牛番茄醬絲帶粉 澳洲和牛味道濃香，帶有分明的肉粒口感，茄味天然酸香，不像坊間的肉醬味道咁單一。
意大利香草醬貓耳朵粉 使用法國進口羅勒、意番茜、松子仁等材料攪拌成醬，味道清香，口感軟滑。
每份意粉附送一份自家製意粉醬，除了醬汁外，牛油、香草、芝士皆齊備，超方便！
Eatery 90s
instagram: eatery90s
電話：9509 8467 (whatsApp only)
交收方式：地鐵沿線面交/ 門市自取
