天仁茗茶粉絲又有新嘢試!最近天仁茗茶新出兩款全新口味杯裝雪糕,於香港惠康超市就買到。杯裝雪糕有兩款口味,招牌茶底配上北海道牛奶,更加入麻糬及朱古力。新推出期間更以優惠價發售,各位甜品控一定要試試~
天仁茗茶不時推出不同甜品小食,之前就曾於便利店推出雪糕及爆谷,全部用上天仁茗茶的招牌茶底。最近天仁再推出新口味雪糕,分別有阿薩姆紅茶配黑糖麻糬粒,以及鐵觀音比利時朱古力味,兩款口味都以北海道牛奶製作。
阿薩姆紅茶x黑糖麻糬粒($58/兩杯),散發濃郁紅茶香,更有粒粒煙韌黑糖麻糬粒,口感豐富!
鐵觀音x比利時朱古力($58/兩杯),朱古力味較重,入口香滑~
天仁茗茶全新杯裝雪糕
銷售點:各大惠康超市
價錢:$58/兩杯 (原價$68)