實試外賣酒店自助餐體驗!安坐家中都食到鮮甜蟹腳/刺身拼盤/燒羊架/榴槤甜品

發佈: 2020.08.24

近期有不少酒店都推出外賣自助餐體驗,就好似尖沙咀的唯港薈(Hotel ICON)推出的自助餐外賣自取服務,客人可於近30款自助餐美食中,按個人口味自選菜式,例如有鮮甜蟹腳、刺身拼盤、燒羊架、榴槤甜品等等,讓大家安坐家中都可以食到酒店美食,即睇小編實試報告啦!

The Market餐廳推出的「隨意自選外賣晚餐」,包括有沙律、冷盤、湯、主菜和甜品5道菜。去到餐廳時,店員會給點菜紙於客人點選食物,然後店員便會包裝好外賣,整個自取過程都好方便。

先講一講冷盤,客人可於三盒海鮮中選一盒,包括有「蟹腳和蝦」、「小龍蝦、蜆和青口」及「刺身拼盤(5款刺身)」,款款都好鮮甜,份量適中。當中蟹腳已輕微破殼,方便進食。海鮮迷想食更多海鮮的話,可加購($100)食冰鎮原隻龍蝦!

【酒店優惠】實試外賣酒店自助餐體驗!安坐家中都食到鮮甜蟹腳/刺身拼盤/燒羊架/榴槤甜品

至於主食就超級豐富,可於11款食物中選3款,包括有法式油浸鴨脾、蜜汁叉燒、X.O.醬炒蝦球、海南雞飯、香烤石班、巴東牛肉等等,而小編就選了肉質好嫩的羊架(5- 6件),還有啖啖肉又大件的肉眼扒和牛仔骨(7 - 8件),份量十足!

甜品方面,客人可於6款甜品中取8件,推介榴槤咖央三明治及榴槤斑蘭卷,內有啖啖榴槤蓉醬,好吸引~

【酒店優惠】實試外賣酒店自助餐體驗!安坐家中都食到鮮甜蟹腳/刺身拼盤/燒羊架/榴槤甜品

至於沙律亦可於5款中選2款;湯則分別有西式及中式供選擇,再隨餐送自選果汁、即磨咖啡或茶。

除了「隨意自選外賣晚餐」之外,酒店亦有外賣自取「飄香榴槤下午茶」套餐 (2人份),部份甜品用馬來西亞直送貓山王榴槤及D24榴槤製造,誠意十足!甜品包括有貓山王榴槤果肉、抹茶荔枝D24榴槤卷、貓山王榴槤蓉布甸、D197榴槤蓉芝士泡芙、榴槤斑蘭千層蛋糕、金榜榴槤芝士蛋糕、榴槤斑蘭糯米糍、Forbidden D24榴槤蛋卷、英式鬆餅及烏龍茶啫喱,更附有榴槤單球雪糕禮券,十分豐富,榴槤控必試!

【酒店優惠】實試外賣酒店自助餐體驗!安坐家中都食到鮮甜蟹腳/刺身拼盤/燒羊架/榴槤甜品

The Market隨意自選外賣晚餐

時間:18:00 - 21:00

查詢:(852) 3400 1308

價錢:$400/一套晚餐(非登記入住賓客);$400/兩位用(指定住宿優惠)

*專為選購「食+住」或「食 + 住 + 行政酒廊尊尚體驗」住宿體驗的賓客而設,現以優惠價港幣400元即可加購無限量任點「隨意自選套餐」(兩位用)

詳情:https://www.hotel-icon.com/offers/icon-takeaway-service

 

外賣自取「飄香榴槤下午茶」套餐

價錢:$438/兩位用

網上預訂:https://eshop.hotel-icon.com/tc/signature-dessert/

more