【中秋節2020】8大中秋節團圓飯外賣套餐推介 早鳥優惠低至7折! 屋企歎韓燒/日式料理/shakeshake海鮮/盆菜/雞煲火鍋

8大中秋節團圓飯外賣套餐推介 早鳥優惠低至7折! 屋企歎韓燒/日式料理/shakeshake海鮮/盆菜/雞煲火鍋

發佈: 2020.09.16
文: Carmen Luk

中秋節將至,今年受疫情影響,大家未必可以一大班人外出食飯慶祝,有餐廳就和網購平台合作推出外賣速遞和自取服務,提供日式料理、shakeshake海鮮、韓式燒烤、雞煲火鍋、麻辣川菜等菜式,讓大家與親朋好友在家都可以輕鬆歎到不同美食,相聚歡度中秋節。現在更有早鳥預訂優惠,有興趣的朋友不妨mark低啦!

 

1.花居酒屋|中秋十五夜二人/四人前

花居酒屋提供一系列日本料理,外賣套餐分為二人及四人餐,有齊前菜、壽司、燒物、和食及甜品,菜式包括磯煮鮑魚、海鰻玉子卷、黑松露帆立貝壽司、松葉蟹肉蟹膏壽司、海膽壽司、燒海老、櫻花兔水信玄餅等等,非常豐富!無論是二人世界,還是一家人團團圓圓都十分適合。現於KKday預訂可享75折優惠,價錢由$588起,而在9月17日前預訂,更送新潟縣麒麟山清酒(720mL)一枝。另外訂購中秋十五夜外賣套餐,再送月圓日式錦盒乙個!大家可選門市自取或送貨服務。

訂購網站:按此

 

2.麻辣風雲 團圓中秋川味美食套餐

餐廳主打正宗川菜,選用來自四川的香料。團圓中秋川味四人餐有齊餐廳招牌菜式,例如酸菜魚、水煮魚、酸辣土豆絲,除了麻辣菜式,亦有合家歡的選擇,如金湯魚、蒜蓉蒸飽魚、炸饅頭等,多款選擇總有一款啱曬全家心水。現於KKday預訂可享7折優惠,價錢由$688起,而在9月17日前預訂,額外送2016年法國Barons de Medicis Merlot 紅酒/ Viognier 白酒 (750mL)一枝!大家可選門市自取或送貨服務。

訂購網站:按此

 

3.老百姓火鍋剌身 中秋火鍋套餐

餐廳推出三款中秋火鍋外賣優惠套餐,湯底選擇多元,有四川麻辣、藥膳醉雞、姬松茸竹絲雞、酸菜魚湯,仲有秘製的滋潤百姓湯底,內有原個哈密瓜及螺頭,湯頭鮮甜潤肺!套餐的食材亦非常豐富,包括頂級安格斯牛頸脊、本地手切肥牛、桂花蚌珊瑚蚌、大蝦大蜆、招牌四寶丸、紅薯粉等等。現於KKday預訂可享75折優惠,價錢由$888起,而在9月17日前預訂,額外送法國Barons de Medicis Merlot紅酒或白酒一枝(720ml)!

訂購網站:按此

 

4.生記菜館 中秋盆菜

做冬過年食盆菜就多,中秋盆菜宴你又試過未呢?生記特設外賣盆菜套餐,有5-6人份及10-12人份,中秋盆菜套餐有齊鮑參翅肚,包括花膠、海參、鮑魚、帶子、茄汁蝦、素魚翅、蘿蔔、芋頭、南乳豬手等等食材。預訂5-6人份量盆菜更送精美實用砂鍋為外賣盒 (隨機附送藍色/啡色)。現於KKday預訂可享7折優惠,價錢由$688起,在9月27日前預訂,額外再送2016年法國Barons de Medicis Merlot 紅酒/ Viognier 白酒 (750mL)一枝。

訂購網站:按此

 

5.「Home燒」 無激素健康燒烤套餐

Home燒燒烤套餐主打健康無添加激素食材,有小牛排、蒲燒鰻魚、雞翼、豬腩、青口、蝦等等,另外還有多款新鮮蔬菜,如生菜、粟米、冬菇、鮮菠蘿等,更配自家製沾醬,食材非常豐富。足不出戶在家都可嘆外賣燒烤,同時又食材新鮮同食得健康!價錢由$498起。其中一款套餐更包埋櫻花粉紅色限定版Recolte日式電熱鍋連陶瓷深鍋套裝,有齊燒烤盤、專用蒸盤及陶瓷深鍋,更以限時優惠價發售。

訂購網站:按此

 

6.肯尼SHAKE SHAKE 海鮮袋

肯尼海鮮SHAKE SHAKE 海鮮袋外賣套餐,有多款海鮮食材包括原隻波士頓龍蝦、日本元貝、鮑魚、貴妃大蚌、泰國蝦等,並設有2人及4人套裝選擇。做法非常簡單,只需將海鮮加入特製醬汁再放入海鮮袋shake shake,惹味又特別!

訂購網站:按此

 

7.肯尼海鮮火鍋外賣套餐

除了SHAKE SHAKE 海鮮袋之外,還有肯尼海鮮火鍋外賣套餐,食物非常豐富,包括日本元貝、大連鮑魚、沙白蜆、泰國蝦、花螺、美國安格斯牛小扒、手打墨魚滑、爆汁牛骨牛丸等等,另有4款湯底可供選擇,如四重芝士鍋、蟹肉壽喜鍋等,非常方便,可一解大家的邊爐癮!

訂購網站:按此

 

8.無激素健康雞煲套餐

雞煲套餐主打健康食材,特別選用無添加激素雞,豐富火鍋配料包括美國特級肥牛火鍋片、西班牙火鍋腩肉薄切、牛丸 、花枝丸 、自家製火鍋沾醬等。無激素雞煲套餐有不同人數份量選擇,大小家庭都照顧到,價錢由$588起。另外還有一個特別版雞煲套餐,雞煲火鍋連Recolte櫻花粉紅色限定版日式電熱鍋(*連燒烤盤、專用蒸盤及陶瓷深鍋套裝),現以優惠價$1538就可訂購。

訂購網站:按此

 

圖片來源:KKday

只需憑980 U Fun

↓↓即可換走高鈣梳打餅↓↓


【萬眾期待】UU積FUN賞2020/21延伸計劃

↓↓立即搵UU熊延伸U Fun!↓↓

推介最Hit飲食優惠
U Food
《識食優惠》
叫外賣前必睇! 立即用

more