手工心形芋圓網店「丸系手作」 網購煙韌芋圓糖不甩/芋泥吐司/ 5分鐘即煮芋圓懶人包

發佈: 2020.10.10
文: 黃詠恩

召集芋圓控!網店「丸系手作」主打健康低糖的煙韌手工芋圓糖水和爆餡芋泥吐司,開業不久已售出過800盒芋圓甜品!除了傳統三色芋圓外,小店還有心珍芋圓和芋圓糖不甩,芋圓懶人包煮5分鐘就食得,超方便~疫情期間留在家中可食到芋圓糖水啦!

爆餡芋泥吐司 ($58/一盒兩件)
用上本地芋頭和台灣肉鬆,以低糖配方製作,健康美味。芋泥餡加入牛奶,份外綿滑,配上香脆吐司,多重口感。建議享用前先翻熱吐司,芋香味更濃郁。

手工三色芋圓分別有橙薯、芋頭、紫薯味,大大粒口感煙韌。三色芋圓有中盒($49/220g)、大盒($65/270g)和特大盒($69/320g)選擇。

三色心心芋圓盒子有中盒($59/25粒)和大盒裝($79/35粒)。

芋圓煮法簡單,先預備足夠蓋過芋圓份量的水,水滾後加入芋圓,大火烹煮4分鐘左右,直至芋圓全部浮起,緊記在煮的過程中要不時攪拌一下!建議將芋圓倒進冰水裡浸20秒過冷河,令芋圓口感更煙韌。

手工芋圓有多種食法,今日為大家介紹3款食法!第一種食法:倒入豆乳或鮮牛奶,美味之餘亦最簡單快捷。

第二種食法:小店提供桂花冰糖懶人包(加購價$8),讓你輕鬆煮出桂花冰糖芋圓糖水。只需用滾水焗桂花和冰糖約5分鐘,之後加入芋圓就食得啦!

第三種食法:加入小店自家製手炒糖不甩粉(加購價$12),先將芋圓撈起,沖一沖水,落糖不甩粉就可以。

丸系手作

IG:uen.hk

  • 開團日子及訂購Link請留意店舖IG最新消息發佈:
  • 10月常規團交收日子:
    10月19日[三色芋圓盒子團]
    10月22日 [爆餡芋泥吐司團]
  • 交收方法:
    1. 九龍灣自取點領取(從德福廣場步行約5分鐘)
     取貨時段:2:30pm - 8pm
    2. LALAMOVE電單車送貨服務(運費到付)

*購買前請留意各網店或平台之條款及細則,並須自行承擔網購風險。

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more