天氣轉涼最適合吃暖笠笠食物，而最近小編於超市發現了這個日本直送的關東煮懶人包，除了有齊鰹魚湯及7款關東煮必吃的食材之外，翻熱方法都好簡單，想在家中食暖笠笠的關東煮絕對無難度！想更加方便，亦有即食關東煮杯，細細份超適合做宵夜，即睇試食報告啦～
關東煮懶人包($74)有鰹魚湯、白蘿蔔x2、竹輪x2、香腸卷x2、雞肉卷x2、蛋x2、海帶x2及蒟蒻x2，好足料！而翻熱方法都好簡單，只要將材料包放落滾水煮6分鐘就食得！
味道方面，鰹魚湯夠鹹又鮮甜，白蘿蔔軟腍又吸湯，香腸卷及雞肉卷美味，蒟蒻彈牙又飽肚，至於蛋及海帶就正正常常，而竹輪卻有點過腍。小編個人覺得2人份量剛剛好，如果擔心不夠吃，可再加入食材配鰹魚湯，同樣美味又方便。
想再方便一點，亦有這個即食關東煮杯($35)，只要放入微波爐叮2分半鐘就可以！材料都有齊白蘿蔔、蒟蒻、竹輪、牛蒡肉卷等等，細細份超適合做宵夜～
售賣點：Citysuper
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
