【donki將軍澳地址】驚安的殿堂Don Don Donki將軍澳開幕 必買超市急凍食品/熟食區/零食推介

驚安的殿堂Don Don Donki將軍澳開幕 必買超市急凍食品/熟食區/零食推介

發佈: 2020.11.11
文: Amber Li

驚安的殿堂Don Don Donki第5間分店正式登陸將軍澳,新店選址海傍新商場Monterey Place,24小時營業,方便附近居民掃貨。今次就同大家直擊將軍澳店的超市美食區,一齊睇下有咩急凍美食及新款零食飲品啦!

驚安的殿堂為顧客帶來各式各樣的日本食品、美妝、雜貨,第5間分店最近登陸將軍澳澳南海岸Monterey Place,是新界東首間分店。新店佔地1.6萬呎,以「野餐」為主題,特別設有寵物街、健身用品部。而雜貨區亦有不同選擇,由零食、飲品,到急凍美食、新鮮蔬果、肉類、日本直送海鮮都包羅萬有,今次更主打家庭裝食品,一齊睇睇有咩美食推介:

熟食區

一入門口右邊就是熟食區,除了有多款Donki自家小食,如串燒、便當外,更有多個熟食攤檔,招牌燒甜薯($20)、關東煮($6起)新店一樣都食到!今次更有分店限定A4和牛便當($100)及北海道牛奶軟雪糕($12)~

 

零食區

門口位首先有特賣區,多款零食以$10-$20發售,如$20日本版KitKat、$10鹽味薯片。場內亦有其他日本零食,飲品區更有不同特別飲品,如乳酪清酒、烏龍茶燒酌,按下圖睇推介:

 

凍櫃區

凍櫃區有數十款急凍即食包,大部分放入微波爐一叮就食得!有人氣日本牛丼店松屋的即食牛肉,另外亦有Mac & Cheese、流心芝士漢堡扒、關東煮等多款急凍美食。急凍甜品方面除了有不同人氣日本雪條雪糕外,今次更有家庭裝甜品,可以買返屋企同家人開心share!按下圖睇推介:

 

燒肉/海鮮刺身區

燒肉區一樣有不同和牛選擇,今次更特別引入鹿兒島柚子豬肉,另外亦有供應火鍋湯底,想打邊爐定燒肉都一樣得!而海鮮區則有豐州直送的多款魚類,還有刺身、壽司及海鮮丼。按下圖睇推介:

 

將軍澳的朋友記得去掃貨喇!

驚安的殿堂將軍澳店

地址:將軍澳唐俊街23號Monterey Place 1樓107-113, 115-122號舖

營業時間:24小時

【donki將軍澳地址】驚安的殿堂Don Don Donki將軍澳開幕 必買超市急凍食品/熟食區/零食推介

↓ 立即下載U Lifestyle App ↓

專享源源不絕驚喜獎品


↓【App限定】立即參加↓

勁送《100張HK$50個人護理店現金券》

零難度超簡易食譜
U Food
《簡易廚房Lite》
每晚三餸一湯?So Easy! 立即用

more