驚安的殿堂Don Don Donki第6間分店明日正式登陸小西灣,新店選址藍灣半島住宅購物區藍灣廣場,方便附近居民掃貨。小西灣店首設「情熱食堂」,還有不同Donki急凍美食及零食甜品,今次就和大家直擊小西灣Donki的超市美食區,一齊睇睇有咩必買新款食品!
驚安的殿堂為顧客帶來各式各樣的日本食品、美妝、雜貨,第6間分店即將登陸小西灣藍灣廣場,是港島東首間分店。新店佔地2萬呎,以「四季」為主題,特別設有「情熱食堂」。而超市雜貨區亦有不同選擇,由零食、飲品,到急凍美食、新鮮蔬果、肉類、日本直送海鮮都包羅萬有。
情熱食堂
門口位新增設「情熱食堂」,提供多款即叫即製美食,包括和牛丼、炸豬扒丼、可麗餅、雪糕等,當然不少得Donki名物燒甜薯!按下圖睇menu:
零食/熟食/甜品區
一入門口就設有劃一價錢特賣區,多款零食以$5-$50發售,波子汽水、桃哈多、朱古力餅乾全部$10就買到!特賣區外亦有其他日本零食飲品及甜品,按下圖睇推介:
刺身壽司區
小西灣Donki一樣設刺身壽司區,除了有多款拖羅壽司、壽司盛合,新店更特設自選壽司櫃,有10多款壽司選擇,單件$10起,可以自行組合。
凍櫃區
凍櫃區有數十款急凍即食包,大部分放入微波爐一叮就食得!急凍甜品方面除了有不同人氣日本雪條雪糕外,更引入北海道品牌Mireica的迷你版北海道巴斯克芝士蛋糕,另外還有少量家庭裝甜品,按下圖睇推介:
賀年禮盒
適逢農曆新年,Donki更推出多款賀年禮盒,另外亦有多款水果禮盒及日本手信禮盒,最適合用來送禮!按下圖睇推介:
港島東的朋友記得去掃貨喇!
驚安的殿堂小西灣店
地址:小西灣小西灣道28號藍灣廣場1樓102及108號舖
營業時間:早上9時至凌晨1時