零失敗30分鐘做好!MUJI情人節免焗自製甜品包 新手簡易松露朱古力/心形朱古力撻食譜

發佈: 2021.02.09
文: 蘇潁琦

下個禮拜就是情人節,不知大家準備好朱古力未?街買朱古力可能未夠特別,自己整就最有心思了!但手作朱古力製作費時,又要買材料、禮物包裝等,有不少人大推MUJI 自製甜品包系列,最快30分鐘内做好,方便之餘又可以親手製作傳遞心意,等小編同大家一齊開箱實測啦!

這一系列MUJI現成甜品懶人包,有烘焙和冷藏系列,可以做出各款蛋糕、曲奇、朱古力等甜品食譜,裏面附上材料、模具及包裝,盒上更有詳細食譜、指示、分量和時間,MUJI官網提供詳細完整食譜和影片,非常適合一眾新手。這次選擇了兩款免焗朱古力甜品:松露朱古力和心形朱古力撻,一起看看怎樣做!

松露朱古力60分鐘內完成,可以做到約16粒松露朱古力。盒內有:朱古力 100克、可可粉 5克、糖粉 5克、脆粒、士多啤梨乾 1克、紙模 20個、禮物袋連飾帶8套,另外需要自備生忌廉45ml。先將忌廉及朱古力隔水熱溶,在碟上鋪平放入雪櫃凝固15至20分鐘,切成16等份後用保鮮紙搓成球形。將士多啤梨乾壓碎,然後將朱古力球沾上4種粉末就完成了。

30分鐘內完成的心形朱古力撻更簡單。甜品包已經有預先整好的心形撻模六件,還有朱古力80克、什錦果仁(杏仁、腰果)10克、脆粒和包裝袋連帶6套。將朱古力隔水熱溶,注入心形撻模,後放上炒香果仁和脆粒裝飾,放入雪櫃冷藏20分鐘即成。

最後將製成品放入禮物袋,夠心思又簡單的自製甜品就做好了。這幾款甜品包真的零失敗,親手整的甜品夠獨特,賣相好靚之餘又能輕鬆完成,各位新手不妨試下啦!

【MUJI情人節甜品】零失敗30分鐘做好!MUJI情人節免焗自製甜品包 新手簡易松露朱古力/心形朱古力撻食譜

MUJI情人節自製甜品包

自製松露朱古力售價:$70

自製心形朱古力撻售價:$65

完整食譜及更多詳細資料:MUJI官網

【MUJI情人節甜品】零失敗30分鐘做好!MUJI情人節免焗自製甜品包 新手簡易松露朱古力/心形朱古力撻食譜

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more