text│TY
師父好茶成立短短 5 個月，已成為各大食材店最搶手產品之一。上午宣布返貨，下午已被搶購一空，想飲都唔容易！品牌其中一位創辦人大有來頭，他是 2016 年「香港金茶王」陳子平師傅，率領幾位徒弟一同創立，陳師傅曾在冰室推出他精製的絲絨幻茶「茶王之王」賣 $88，一樣捧場客滿滿，佢調配的樽仔奶茶，有料係梗㗎啦！
品牌只做一款經典口味，沿用陳師傅的茶葉秘方，拼配集茶味、茶香、葉色於一身，利用 5 款不同粗幼度的斯里蘭卡錫蘭茶葉，煮出色水香味並存的茶底。淡奶亦唔止一種，用了 2 款牌子去混合，奶香味唔單一，有層次。
樽仔奶茶交由徒弟們沖製，各位得意門生也滿師 2 年，實力經陳師傅認可。奶茶之道在於「一撈，二焗，三撞，四回溫，五吊茶，六撞奶」，他們的手法被師傅訓練到爐火純青，沖到茶色金黃。師傅的撞茶技巧也與坊間不同，原來唔係拉得愈高愈好，反而壺嘴貼近茶袋，可減少溫度流失，也避免衝力太大將幼茶葉穿過茶袋，掉進茶底，不但幼滑度大減、也易有澀味。最特別是這支樽仔奶茶仲可以座熱飲，特意用上耐熱膠樽盛戴，比現今流行的凍飲樽仔奶茶多了種飲法。
師父好茶
購買網址：https://www.facebook.com/sifugoodtea
購買方式：1. 訂購超過 10 支，可於師父好茶 facebook 或 ig 下單，旺角自取
2. 於美樂士多、甲乙丙工作室、Mr. Cool 優質食材專門店等銷售點發售
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
