【永年士多】永年士多推出車仔麵餸即食包   招牌咖哩辣魚蛋/大大件花膠/豬大腸

永年士多推出車仔麵餸即食包 招牌咖哩辣魚蛋/大大件花膠/豬大腸

發佈: 2021.05.18
文: Rachel Cheung

想隨時隨地都食到永年士多車仔麵的小食?以下永年士多推出的車仔麵餸即食包就好適合你啦!永年士多推出了5款招牌車仔麵餸即食包,包括有「經典豬大腸」、「咖哩辣四寶」、「南乳五花腩」、「南乳炆豬手」及「滋補花膠」,全部食前不用解凍,直接放入滾水加熱便可食用,好方便!想知味道如何?足唔足料?即睇試食報告啦!

「咖哩辣四寶」($58),包括有蘿蔔、豬皮、魚旦及魷魚。咖哩四寶用上永年招牌咖哩辣醬,辣度十足!加上蘿蔔、豬皮好入味,食落辣度倍增!不過魷魚份量比較少。

即食「南乳五花腩」($78),五花腩軟腍,配南乳汁更美味,而且份量十足,餸飯一流!至於「即食南乳炆豬手」$78,份量就比較少,一包只有4件,但豬手同樣炆至軟腍,跟南乳汁成絕配。

「即食經典豬大腸」($68),一包即食包有兩大條豬大腸,份量適中,但需要自己切件。至於味道方面,醬料沒有加入過多調味,可以食到豬大腸原有的獨特香味,而且口感軟腍,同樣買來餸飯都不錯。「即食滋補花膠」($88),花膠大大件又夠厚,不過一包通常只有2件左右,有興趣的朋友就要留意啦!

於網上購買更有其他優惠,5款車仔麵餸全系列$288,招牌麻辣醬+咖哩辣醬$156(麻辣醬原價$98;咖哩辣醬原價$98)。

購買點:

- 銅鑼灣 SOGO Hong Kong (香港崇光百貨)

cookingmart.com.hk

↓每月2號、12號及22號雙倍U Fun日!↓

↓齊齊捕捉雙倍彩蛋!儲U Fun換現金券↓


U Lifestyle App限時搶!逢星期三3PM大派現金券!

↓↓ 約定您入App搶 ↓↓

more