盤點5款懶人必備宵夜美食!急凍雞蛋仔/一蘭杯麵/自製木桶豆腐花/車仔麵餸即食包

發佈: 2021.05.27

【宵夜推介】夜麻麻肚餓唔知點算好?以下推介5款懶人必備宵夜美食,包括有急凍格仔餅、一蘭杯麵、自製木桶豆腐花、車仔麵餸即食包、麻辣火鍋磚等食品,全部都好適合買來看門口,到夜晚肚餓就可以隨時醫下肚!

1. 急凍雞蛋仔+格仔餅

雞蛋仔專門店「摩芽雞蛋仔」推出家用急凍版,讓大家可以安坐家中都食到熱辣辣的雞蛋仔!急凍雞蛋仔是限量發售,有原味及朱古力兩款口味。雞蛋仔可於冰格保存6個月,翻熱方法都很簡單,用焗爐或者氣炸鍋焗一焗就食得!而且最近更推出急凍格仔餅,Click入內文睇詳情啦!

購買點+詳情:宵夜推介!摩芽雞蛋仔推出家用急凍版 外脆內軟/可保存6個月

 

2. 一蘭杯麵

日本人氣拉麵店「一蘭」近月推出開發歷時超過20年的杯麵「一蘭 豚骨拉麵」,於日本當地推出短短2個月,銷量已經突破100萬!一蘭杯麵在日本售價490円(約HK$35),在香港有不少代購已炒至近$90,而最近一蘭官方亦將杯麵於香港店門市上架,賣$54/個,5月1日上架,5月4日前已經火速售罄,令人很好奇究竟一蘭杯麵值得一試嗎,Click入內文睇試食報告啦!

購買點+詳情:一蘭杯麵登陸香港店!開賣3日已售罄 豚骨湯夠濃/還原堂食風味?

 

3. 麻辣火鍋磚

網店「三生辣莊」主要售賣成都「三生川辣椒鋪」的產品,「三生川辣椒鋪」是一間位於成都的麻辣專門店,不少遊客都會特意到訪,並購買其川辣食品作手信!而「三生辣莊」就熱賣四川牛油麻辣火鍋磚、即沖酸辣薯粉、多款麻辣醬及香辣零食,各位嚐辣愛好者不妨試下啦~

購買點+詳情:正宗成都川辣食品網店「三生辣莊」 牛油麻辣火鍋磚/即沖酸辣薯粉/麻辣拌麵醬

 

4. 自製木桶豆腐花

想自己製作充滿懷舊風味的甜品?不妨試試這個木桶豆腐花懶人包啦,材料有齊本地製古早味豆漿x2、石膏粉x2、黃糖x2、以及好打卡的木桶!製作方法都好簡單,大約15-20分鐘就可以食到暖笠笠又滑捋捋的豆腐花,Click入內文睇詳情啦!

購買點+詳情:實試自製木桶豆腐花懶人包 有齊古早味豆漿/石膏粉/木桶/黃糖

 

5. 永年士多車仔麵餸即食包

想隨時隨地都食到永年士多車仔麵的小食?以下永年士多推出的車仔麵餸即食包就好適合你啦!永年士多推出了5款招牌車仔麵餸即食包,包括有「經典豬大腸」、「咖哩辣四寶」、「南乳五花腩」、「南乳炆豬手」及「滋補花膠」,全部食前不用解凍,直接放入滾水加熱便可食用,好方便!想知味道如何?足唔足料?即睇試食報告啦!

購買點+詳情:永年士多推出車仔麵餸即食包 招牌咖哩辣魚蛋/大大件花膠/豬大腸

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more