text│潘小熊 photo│May
如果你屋企有「搬爐」，張羅靚肉就可以宅在家燒肉。這間燒肉店有市場罕見的一人前分量的外賣燒肉套餐，169 元就食到，而且肉量其實不止一人前，計落仲平過喺 MK 食港式燒肉放題。
3 種套餐適合不同愛好者，每個一人餐包括多款肉類部位的拼盤及蔬菜沙律等食材。餐廳一向以抵吃的澳洲牛為主，外賣套餐也是選用店內最受歡迎的澳洲牛及美牛。A 餐為牛魔王而設，肉類拼盤有 5 款牛肉，每款 4 件，以一人之力絕對飽到上心口，仲未計套餐都包的前菜 2 款、沙律、野菜、溫泉蛋拌飯及汽水，輕輕鬆鬆將燒肉大餐搬回家。套餐 B 則有肉有海鮮，肉類有牛舌、牛肋肉、豬肉及雞肉外，更有海鮮拼盤，包括虎蝦、鹽燒帆立貝、北海道牛油燒帶子及原隻魷魚仔，種類豐富。
大大食的記者真心推套餐 C ，非常適合開派對，食物種類係 3 個套餐中最豐富，單是肉類拼盤有 7 種肉類，包括上級牛肋肉、牛仔骨、牛肋肉、豬頸肉、豚腩肉、雞肉及牛舌，另外更有燒物拼盤，有雞軟骨串、腸仔、番薯仔、菠蘿及枝豆，食物種類最多，幾個朋友在家開 party，食完飽到喪。
【info】
燒肉の牛太・本陣
地址：觀塘觀塘道 418 號創紀之城五期 APM 4 樓 23 號舖
電話：2172 6322
營業時間：12nn - 10pm
備註：外賣套餐全天供應，不設加一
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
