text│Katty photo│Kuen
犇道供應來自日本、澳洲及美國等地的急凍牛扒、火鍋牛肉及燒肉等，驟眼看跟一般凍肉店無異，原來最特別的地方是會為顧客提供慢煮服務！「最初都係想方便附近的街坊，幫大家預先慢煮好牛扒，買返屋企輕輕煎熟就食得。」David 說。
最吸引是慢煮的斧頭扒，這扒體積大，沒有大型焗爐或 BBQ 爐，一般家庭較難在家烹調，現在由食材店代勞，回家略煎就得，加上價錢不過是在餐廳吃的一半，極為方便因此成了這店的皇牌產品。店家將斧頭扒連牛油及迷迭香放入膠袋抽真空，再以 56℃ 慢煮 4 小時至 5-6 成熟，送到客人屋企，只需將兩面煎至焦香，約 5 分鐘左右，就可以在家享用到一塊肉質柔軟多汁的斧頭扒。
每份牛扒還很貼心地附上「調味包」，入面有齊牛油、香草、黑胡椒、岩鹽及牛肉燒汁，讓客人毋須額外張羅，即使是「無飯」家庭，只要用鑊就煮到大餐。除了斧頭扒，還有厚切 T 骨扒、豬扒、羊架，一樣都可代為慢煮。David 還推出了 3 款ChefBen 自家品牌的即食調理包，可存放於冰箱內，解凍後即食。買滿 $599 即可以免運費送到全港，多得這類食材店，讓忙碌的香港人可以買定餸喺屋企，隨時在家煮大餐。
門市凍肉的價錢雖然比網店平一點，但想買慢煮肉的話，必須上網預訂。
法式紅酒燉和牛 $118
以法國藍帶廚藝學院食譜作為藍本再加以改良，澳洲 M7 和牛，無論是牛肉或是作配菜的洋葱、紅蘿蔔，都軟腍入味，是屋企雪櫃必備的即食調理包！
店主 David
牛扒可以選慢煮的，也可以選擇購買生牛扒真空包。牛扒經真空處理後，便會即刻冷藏，到客人落 order 後才拿出來慢煮。約 4cm 厚的 T 骨扒，需要以 53-56℃ 慢煮 2 小時，他們會校好時間送貨，客人收貨即煎即食，肉味肉汁都會完美。
美國安格斯 PRIME 巨形斧頭扒 $498（生肉）、$528（慢煮）
每件重約 1.5-1.8kg，分量十足，肉味濃郁且口感鬆軟，骨位更富油香，肉味更濃，配以附送的胡椒及岩鹽吃風味最好，又或者蘸 ChefBen 自家熬製的肉汁，更是惹味。
法式蜜糖芥未博多手撕雞、川式麻辣博多手撕雞 $58 包
使用日本九州博多雞肉，冰格取出後室溫解凍 20-30 分鐘即食。
調味包（附贈）
隨牛扒附上，裏面有牛油、香草、黑胡椒、岩鹽及牛肉燒汁，讓客人毋須額外張羅。
【info】
犇道 ChefBen
地址：屯門龍門路 43 號龍門居 9 座地下 91 號舖
網址：www.chefbenhk.com
電話：3462 2187
營業時間：11:30am - 9pm
備註：買滿 $599 可享免費送貨服務，假日及偏遠地區需收附加費
同場加映：
【搵食熱話】師傅愛你! OM7G試食譚仔新出米線 滷汁牛肚蜂巢豆腐香辣鮮番茄湯米線
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
