散水餅之選!Ig小店推出夾心茶香果撻 檸檬撻/伯爵茶焦糖蘋果撻/綠茶紅豆撻

散水餅之選!Ig小店推出夾心茶香果撻 檸檬撻/伯爵茶焦糖蘋果撻/綠茶紅豆撻

發佈: 2021.11.24
文: Mavis Mok

全新IG小店Burst Of Laughter主打造型精緻的餅撻,以健康水果和清新茶飲為靈感推出數款夾心果撻及茶撻,分別有士多啤梨、藍莓芝士、伯爵茶焦糖蘋果和綠茶紅豆等口味。而且每款都賣相精美,最適合做散水餅又或者送禮啦~

小店的撻皮為每天新鮮製作,絕不過夜,這樣才能保持酥脆的口感。而且特別選用了日本雞蛋,因此撻皮蛋香濃郁。小店亦有多款果醬與吉士都是自家製,可見其心思。

士多啤梨撻($56/個)

選用新鮮士多啤梨製成,當中包括了士多啤梨啫喱、玫瑰蛋白霜、士多啤梨吉士以及自家製士多啤梨果醬,整體層次非常豐富,味道酸甜。

藍莓芝士撻 ($48/個)

除了有新鮮藍莓、藍莓忌廉芝士和自家製藍莓果醬外,更加入了橙酒忌廉,散發獨特酒香。

檸檬撻($48/個)

由檸檬汁跟檸檬皮煮成的檸檬吉士加上綿密蛋白霜,味道微酸開胃。

伯爵茶焦糖蘋果撻($48/個)

以伯爵茶粉取代茶葉,令茶香味更突出,而且中間有焦糖蘋果夾心,配搭新鮮。面層則是橙酒忌廉作點綴。

綠茶紅豆撻($48/個)

面層是濃厚的綠茶吉士,中間加入了由朱克力、忌廉跟綠茶製作而成的綠茶甘納許,甘香幼滑,最後配上綠茶慕絲跟紅豆蓉,好滿足啊!

 

Burst Of Laughter

Instagram:按此

<購買前請留意各網店或平台之條款及細則,並須自行承擔網購風險。>

 

臨近聖誕,要準備派對的你可以睇睇呢款泰式聖誕到會開箱~

↓有新嘢玩!《社群》專區登錄App↓

↓必睇人氣美食主題深度關注組!!↓


↓送皇玥新年經典精選禮盒 ↓

↓集齊4款熱賣款式!↓

more