聖誕派對嗌乜好? 勁量壽司盛 / 航空餐箱派對禮籃 / 西班牙 Tapas 小食 

發佈: 2021.12.13
文: U Magazine

text│Amy、Kathryn、Sieg
photo│相關機構

仲有 2 個多星期就係聖誕,都係時候決定 party 叫乜!記者就精選了多個特色聖誕套餐,有航空主題、有網店特色套餐,亦有西班牙 tapas 小食。知大家朋友唔少,派對唔止一個,每個派對試一間就唔使煩啦!
---------------------------------------

【Pier 1929│香港航空餐箱派對禮籃】

Pier 1929 早前與香港航空聯乘的航空主題 Fly-teacation 下午茶反應不錯,據講 booking 超爆、一位難求。Book 唔到位也不怕,可以將航空主題下午茶帶回家,外賣下午茶以飛機專用餐箱盛載,價錢已包埋這餐箱,享用後可把它變成儲物箱。甜點有原個聖誕雜錦紅莓慕斯蛋糕、開心果聖誕樹蛋糕、威士忌酒心朱古力撻、冧酒忌廉核桃批及英式提子鬆餅配果醬。至於鹹點則有菠蘿莎莎煙火雞撻、水蜜桃龍蝦沙律法式奶油多士等,另包括紅酒一支,夠 3-4 人享用。

香港航空 x Pier 1929 聖誕派對禮籃 $1,929(3-4 人用)
下午茶以飛機專用餐箱盛載,價錢已包埋這餐箱,享用後可把它變成儲物箱,飛機迷很想要吧!

甜點有原個聖誕雜錦紅莓慕斯蛋糕、開心果聖誕樹蛋糕等,另有 6 款鹹點。

【聖誕 2021】聖誕派對嗌乜好? 勁量壽司盛 / 航空餐箱派對禮籃 / 西班牙 Tapas 小食 

派對禮籃內的甜品都換上聖誕造型。

【聖誕 2021】聖誕派對嗌乜好? 勁量壽司盛 / 航空餐箱派對禮籃 / 西班牙 Tapas 小食 

〘info〙
Pier 1929 
地址:灣仔渡輪碼頭 2 樓
訂購網址:按此  
備註:1.下午茶外賣套餐送香港航空明信片一套及限量版商務艙專用旅行護理套裝乙個
2. 預購日期由即日起至 12 月 27 日
3. 須於 12 月 21 日至 2022 年 1 月 2 日 12nn - 7pm 於 Pier 1929 自取
4. 亦提供付費送貨服務

--------------------------------------------------------
【FEAST│人均 $200 火雞套餐】

網上到會專門店豐食 FEAST 推出幾款到會套餐,包括聖誕火雞套餐、巨型特級燒牛肉套餐、德國鹹豬手及香腸拼盤套餐等。最人氣的 6 - 8 位用聖誕火雞套餐好豐富,包括火雞全隻配肉餡、火雞肉汁及紅莓醬、芝士煙肉小椰菜、香焗甜蕃薯角、焦糖爆谷布朗尼及有機有氣果汁,當中火雞選用約重 4.5 公斤的美國火雞,配以煙肉、栗子、洋蔥、紅蘿蔔和酸種麵包等內餡,份量十足之餘難得仲肉汁豐富唔嚡口,人均才二百多,性價比唔錯。店子另外還供應多款單點菜式,如煙三文魚田園沙律、日式照燒汁焗挪威三文魚、魚子醬冷切風乾肉拼盤、芝士肉醬千層麵等,啱哂聖誕想在家開 party 又唔想自己煮的懶人。

聖誕火雞套餐 $1,680(6 - 8 位用) 
包括原隻火雞配肉餡、火雞肉汁及紅莓醬、芝士煙肉小椰菜、香焗甜蕃薯角、焦糖爆谷布朗尼及 6 樽有機有氣果汁,好豐富。 

魚子醬冷切風乾肉拼盤 $688
包括西伯利亞魚子醬 30 克、意大利巴馬火腿 、意大利高柏火腿、巴馬臣芝士、無花果、杏仁及餅乾配蜜糖雪莉醋,是配送酒一流的餐前小食。

【聖誕 2021】聖誕派對嗌乜好? 勁量壽司盛 / 航空餐箱派對禮籃 / 西班牙 Tapas 小食 

日式照燒汁焗挪威三文魚 $980
選用約 1.8 公斤的無骨挪威三文魚柳,以帶甜的秘製日式照燒汁調味後再以二百度高溫將肉汁煎封,肉身仍是 6 分熟,入口軟嫩帶油香。

【聖誕 2021】聖誕派對嗌乜好? 勁量壽司盛 / 航空餐箱派對禮籃 / 西班牙 Tapas 小食 

〘info〙
FEAST
預訂網站:按此 
備註:1. 節日派對套餐於即日至 2022 年 1 月 5 日供應
2. 12 月 19 日前預訂聖誕節派對及除夕精選到會套餐即可享 9 折早鳥優惠
3. 訂單須於送貨日最少 2 天前、5pm 前提交
4. 客人可選擇到自取或由送貨,消費滿 $800 即享免費送貨,少於 $800 的訂單將收取送餐服務費 $180,離島區不設送遞服務 
----------------------------------------------
【Reserva Ibérica│西班牙 Tapas 小食】

如果嫌火雞太大路,不如轉口味,用西班牙伊比利亞黑毛豬火腿迎聖誕。伊比利亞火腿品牌 Reserva Ibérica 除了餐廳供應聖誕餐,亦有提供西班牙派對小食到會,不少都是一口咬 size,開 party 最方便。款式有伊比利亞火腿薯丸、慢煮八爪魚、西班牙番茄凍湯虎蝦番茄沙律、伊比利亞豬肩胛肉串、12 吋加泰隆尼亞薄餅及 30+ 月白毛豬火腿三文治,連大菜西班牙豬手及燒西班牙黃雞都有,當通街都係歐美聖誕到會的時候,選西班牙小食咪更顯你有諗頭囉!

西班牙番茄凍湯、虎蝦蕃茄沙 $288 十二件、$568 廿四件

伊比利亞火腿薯丸、松露蛋黃 $268 十二件、$538 廿四件

【聖誕 2021】聖誕派對嗌乜好? 勁量壽司盛 / 航空餐箱派對禮籃 / 西班牙 Tapas 小食 

〘info〙
Reserva Ibérica Hong Kong
地址:灣仔港灣道 28 號灣景中心 1 樓 10 號舖
電話:2110 9282
備註:1.到會滿 $3,000,市區免運費,離島另議
2. 須於 4 日前付全費預訂
3. APM、Brim 28、海港城及利園三期店亦可訂購
-------------------------------------------
【千両│壽司聖誕派對】

開 party 無壽司會好趕客囉!千両今年的聖誕壽司外賣款式好多,唔想諗可以點 3-4 位或 6-8 人用的千両聖誕派對盛」,6-8 人的派對盛非常豐富,包括極上刺身聖誕盛、極上壽司聖誕盛、卷物盛、特選壽司盛、前菜黑松露海鮮沙律及甜品北海道布蕾芝士蛋糕,仲送清酒七賢山之霞有氣濁酒 1 枝,一套餵飽派對人口。另外亦有單點的刺身、壽司盛、日本直送馬糞海膽鮑魚聖誕盛合等,壽司永遠最多人捧場,叫多啲都食得晒。

千両聖誕派對盛 原價 $2,628(6-8 位用)
包括極上刺身聖誕盛、極上壽司聖誕盛、卷物盛、特選壽司盛、前菜黑松露海鮮沙律及甜品北海道布蕾芝士蛋糕,一共有 67 件壽司、11 款刺身、24 年卷物,另送有汽濁酒一支。

【聖誕 2021】聖誕派對嗌乜好? 勁量壽司盛 / 航空餐箱派對禮籃 / 西班牙 Tapas 小食 

七賢山之霞有氣濁酒
惠顧 6-8 位用千両聖誕派對盛即送。

吞拿魚壽司聖誕盛 $329 十二件
包括吞拿魚醬油漬、中吞拿魚腩、大吞拿魚腩、吞拿魚及香葱吞拿魚腩軍艦。

【聖誕 2021】聖誕派對嗌乜好? 勁量壽司盛 / 航空餐箱派對禮籃 / 西班牙 Tapas 小食 

卷物聖誕盛 $269 廿四件
包括吉列廣島蠔卷、加州卷、炸蝦卷及牛油果軟殼蟹卷。

【聖誕 2021】聖誕派對嗌乜好? 勁量壽司盛 / 航空餐箱派對禮籃 / 西班牙 Tapas 小食 

馬糞海膽鮑魚聖誕盛合 $788 份
選用日本直送海膽。

〘info〙
千両
訂購網址:按此
備註:1. 須提前最少 24 小時預訂
2. 2021 年 12 月 20 日至 2022 年 1 月 2 日期間於分店自取
3. 由即日至 12 月 19 日期間預訂並繳付全費,可享有 9 折
----------------------------------------------------------------------

【SUPER FARM│農場食材聖誕套餐】

You are what you eat,講究放乜落肚的朋友,則可選擇這個農場直送食材平台推出節日套餐,$1,900 套餐包 12 款食物,包括聖誕必食的英國 Butterball 火雞、美國純種安格斯肉眼扒、澳洲急凍法式羊骨排、英國麵包蟹以及匈牙利鴨肝等,食材來自世界各地直送到港,全都是獲沒有使用抗生素、激素及基因改造飼料認證的農場食材。

節日套餐 Set B $1,900(8 人用)
包括聖誕必食的英國 Butterball火雞、美國純種安格斯肉眼扒、澳洲急凍法式羊骨排、英國麵包蟹以及匈牙利鴨肝等,適合 8 人食用。

【聖誕 2021】聖誕派對嗌乜好? 勁量壽司盛 / 航空餐箱派對禮籃 / 西班牙 Tapas 小食 

匈牙利鴨肝(套餐內項目)
$1,500 及 $1,900 套餐都包這款,鴨肝煎香後入口即融,配上套餐中的果醬減油膩感。另有美國純種安格斯肉眼扒,牛扒肉汁豐富,肉味濃郁。

【聖誕 2021】聖誕派對嗌乜好? 勁量壽司盛 / 航空餐箱派對禮籃 / 西班牙 Tapas 小食 

〘info〙
Super Farm
訂購網址:按此
電話:6633 8638(Whatsapp)
備註:凡購買冷藏或急凍貨品折扣後滿 $600 或以上,即可享免費送貨服務,48 小時 內送到府上
--------------------------------------------------------------

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more